Марзалюк Ігар Аляксандравіч

Нарадзіўся 11 верасня 1968 года у г.п. Краснаполле Магілёўскай вобласці.

Адукацыя вышэйшая – скончыў Магілёўскі дзяржаўны педагагічны інстытут імя А.А.Куляшова з адзнакай, гісторык.

Член-карэспандэнт Нацыянальнай акадэміі навук Беларусі, доктар гістарычных навук, прафесар. Аўтар 135 навуковых прац, у іх ліку 12 кніг.

Служыў у радах Узброеных Сіл. Працаваў археолагам архітэктурна-рэстаўрацыйнай фірмы «АРТ-М» (г. Магілёў); старшым выкладчыкам, дацэнтам кафедры філасофіі Магілёўскага дзяржаўнага ўніверсітэта імя А.А.Куляшова; дацэнтам кафедры археалогіі, дацэнтам кафедры ўсеагульнай гісторыі, загадчыкам кафедры археалогіі і спецыяльных гістарычных дысцыплін установы адукацыі «Магілёўскі дзяржаўны ўніверсітэт імя А.А.Куляшова».

Член Савета ўстановы адукацыі «Магілёўскі дзяржаўны ўніверсітэт імя А.А.Куляшова».

Кіраўнік і выканаўца дзяржаўнай праграмы навуковых даследаванняў «Гісторыя, культура, грамадства, дзяржава» на 2011 – 2015 гады.

Двойчы лаўрэат стыпендыі Прэзідэнта Рэспублікі Беларусь у намінацыі «Маладыя дактары навук» (2006, 2012).

З’яўляўся членам Савета Рэспублікі Нацыянальнага сходу Рэспублікі Беларусь пятага склікання.

Узнагароджаны медалём «За працоўныя заслугі», нагрудным знакам Міністэрства адукацыі «Выдатнік адукацыі», ганаровымі граматамі Нацыянальнай акадэміі навук Беларусі, Міністэрства адукацыі Рэспублікі Беларусь, Савета Міжпарламенцкай Асамблеі дзяржаў – удзельніц Садружнасці Незалежных Дзяржаў, медалём «За ўмацаванне парламенцкага супрацоўніцтва» Савета Міжпарламенцкай Асамблеі дзяржаў – удзельніц Садружнасці Незалежных Дзяржаў.

Удастоены звання «Чалавек года Магілёўшчыны – 2011» з занясеннем на абласную Дошку гонару. Пераможца спаборніцтва Ленінскага раёна г. Магілёва «Лепшы па прафесіі – 2010».

Жанаты, мае сына.