Пірштук Баляслаў Казіміравіч

Нарадзіўся 30 студзеня 1959 года ў в. Пірштукі Ляхавіцкага раёна Брэсцкай вобласці.

У 1981 годзе скончыў Беларускі політэхнічны інстытут па спецыяльнасці «Цеплавыя электрычныя станцыі», кваліфікацыя — інжынер-цеплаэнергетык, у 1993 годзе – Акадэмію кіравання пры Савеце Міністраў Рэспублікі Беларусь па спецыяльнасці «Эканоміка, кіраванне вытворчасцю», кваліфікацыя – менеджар-эканаміст. 

Працоўную дзейнасць пачаў у 1981 годзе інжынерам Светлагорскай цеплаэлектрацэнтралі. У перыяд з 1990 па 1997 год працаваў першым намеснікам старшыні Светлагорскага гарадскога выканаўчага камітэта. З 1997 года – старшыня Светлагорскага гарадскога выканаўчага камітэта. Пасля аб'яднання ў 2002 годзе горада і раёна ў адну адміністрацыйна-тэрытарыяльную адзінку – старшыня Светлагорскага раённага выканаўчага камітэта. З 2007 года – намеснік старшыні Гомельскага абласнога выканаўчага камітэта. 

Узнагароджаны ганаровымі граматамі Нацыянальнага сходу Рэспублікі Беларусь і Савета Міністраў Рэспублікі Беларусь. Ганаровы грамадзянін горада Светлагорска. 

Служыў у Савецкай Арміі ў Цэнтральнай групе войскаў. 

Жанаты. Мае двух сыноў.