Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
Ананіч: у беларускага народа хопіць мудрасці дастойна прайсці выбарчую кампанію
02 чэрвеня 2020
2 чэрвеня, Мінск /Кар. БЕЛТА/. У беларускага народа хопіць мудрасці дастойна прайсці выбарчую кампанію. Такое меркаванне карэспандэнту БЕЛТА выказала намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Лілія Ананіч.
"Кампанія па выбарах кіраўніка дзяржавы высвеціла ўвогуле не новую тэму, - адзначыла яна. - Далёка не ўсім да спадобы Беларусь, суверэнная і незалежная краіна, дзе сацыяльная справядлівасць, развіццё без майданаў і ўзрушэнняў былі, ёсць і, упэўнена, застануцца найважнейшымі складнікамі далейшага стварэння. Менавіта такі курс у аснове поспехаў краіны, яе аўтарытэту і паважання ў свеце. Не заўважаць відавочныя дасягненні Беларусі, а тым больш чарніць пройдзены краінай шлях як мінімум безадказна".
Парламентарый падкрэсліла, што, на жаль, ужо на этапе збору подпісаў бачны спробы дэстабілізаваць сітуацыю ў краіне любым шляхам, не грэбуючы маніпуляцыямі на эканамічных і эпідэміялагічных цяжкасцях, у тым ліку з актыўным разаграваннем у сацыяльных сетках, знешнім медыйным уздзеяннем. "Асобныя прэтэндэнты адкрыта заяўляюць, што іх мэта зусім не выбары, не абмеркаванне шляхоў развіцця краіны, а звяржэнне дзеючай улады. І гэта ў такі складаны перыяд, калі літаральна ўвесь свет змагаецца з выклікамі і пагрозамі, выкліканымі каранавіруснай пандэміяй. На які вынік разлічваюць такія прэтэндэнты? Якую светлую будучыню абяцаюць беларусам? - задалася пытаннем Лілія Ананіч. - Упэўнена, у нашага народа, які жыве сваім розумам і сваёй працай, хопіць мудрасці дастойна прайсці выбарчую кампанію, не дапусціць развалу краіны і расколу ў грамадстве".
Усе інтэрв'ю