Рус Бел Eng
Галоўная / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75           

Электронная пошта:
inform@house.gov.by

24.02.2021

Беларусь вынесе на абмеркаванне ПА АБСЕ праект рэзалюцыі аб прафілактыцы наркаманіі сярод моладзі

24 лютага 2021

24 лютага, Мінск /Кар. БЕЛТА/. Беларусь плануе вынесці на абмеркаванне Парламенцкай асамблеі АБСЕ праект рэзалюцыі "Прадухіленне спажывання наркотыкаў сярод дзяцей і моладзі", паведаміў журналістам старшыня Пастаяннай камісіі па міжнародных справах Палаты прадстаўнікоў Андрэй Савіных, перадае карэспандэнт БЕЛТА.

Сёння адкрылася 20-е зімовае пасяджэнне Парламенцкай асамблеі АБСЕ. Яно пройдзе па 26 лютага ў фармаце відэа-канферэнц-сувязі. Удзельнічаюць дэпутаты Палаты прадстаўнікоў і члены Савета Рэспублікі Нацыянальнага сходу Беларусі.

"Зімовая сесія традыцыйна мае больш тэхнічны характар. Будуць разгледжаны справаздачы генсакратара, казначэйства і многія іншыя арганізацыйныя пытанні. Тым не менш, будзе праведзены агляд сітуацыі ў рэгіёне АБСЕ, і мы плануем аб'явіць аб сваёй ініцыятыве прапанаваць праект рэзалюцыі па прафілактыцы наркаманіі сярод моладзі на летнюю сесію ПА АБСЕ, - расказаў Андрэй Савіных. - Як паказалі нашы даследаванні, менавіта гэтай тэме, на жаль, не надаецца належнае значэнне. Мы разлічваем, што наша ініцыятыва дасць магчымасць прыцягнуць больш увагі да барацьбы з гэтым сур'ёзным выклікам XXI стагоддзя".

Паводле слоў парламентарыя, у час зімовага пасяджэння Парламенцкай асамблеі АБСЕ адбудзецца прынцыповы і адкрыты абмен меркаваннямі па ўсіх пытаннях парадку дня аб сітуацыі ў краінах. "Пытанне нават хутчэй не ў прыняцці нейкіх рашэнняў, колькі ў абмене меркаваннямі і выпрацоўцы адзінага погляду на тыя шляхі, па якіх можа рухацца рэгіён Еўропы ў бліжэйшыя гады, - адзначыў ён. - Я думаю, што мы знойдзем магчымасць праінфармаваць нашых калег аб сітуацыі ў Беларусі, аб выніках Усебеларускага народнага сходу і аб тым працэсе палітычнай мадэрнізацыі, сацыяльна-эканамічнага развіцця, які ў нас наперадзе".

Андрэй Савіных дадаў, што праблематыка ў рэгіёне застаецца ранейшай. "Нас непакоіць усё большая тэндэнцыя тэрарызму, гандаль зброяй, пытанне ўстойлівасці дзяржаўных сістэм у рэгіёне, умацаванне правоў чалавека. Але не як палітычны інструмент націску на іншыя краіны, а як інструмент задавальнення інтарэсаў уласных грамадзян. Наогул палітра даволі шырокая, безумоўна, абмен меркаваннямі адбудзецца па ўсіх пытаннях", - сказаў на заканчэнне ён.

Як чакаецца, летняя сесія ПА АБСЕ адбудзецца ў Бухарэсце 6-10 ліпеня.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць

220010, Рэспубліка Беларусь, г. Мінск, вул. Савецкая, 11

Аддзел па арганізацыі работы з дакументамі
Тэл. (017) 222 32 62
Факс: (017) 327 37 84
E-mail: kc1@house.gov.by

Аддзел па рабоце са зваротамі грамадзян і юрыдычных асоб
Тэл. (017) 222 62 52
          (017) 222 63 58
E-mail: letters@house.gov.by

Накіраваць электронны зварот на адрас Палаты прадстаўнікоў Нацыянальнага сходу Рэспублікі Беларусь і яе Cакратарыята вы можаце тут

Тэл. (017) 222 64 75
Факс: (017) 222 32 13
E-mail: inform@house.gov.by