Рус Бел En
Галоўная / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


29.04.2020

Беларускія дэпутаты рыхтуюць да ратыфікацыі пагадненне аб пенсійным забеспячэнні ў ЕАЭС

29 красавіка 2020

29 красавіка, Мінск /Кар. БЕЛТА/. Пастаянная камісія Палаты прадстаўнікоў па працы і сацыяльных пытаннях рыхтуе да разгляду праект закона "Аб ратыфікацыі пагаднення аб пенсійным забеспячэнні працоўных дзяржаў - удзельніц Еўразійскага эканамічнага саюза". Аб гэтым карэспандэнту БЕЛТА паведаміла старшыня профільнай камісіі Людміла Канановіч.

Палажэнні пагаднення распаўсюджваюцца на саміх працоўных і членаў іх сем'яў і прымяняюцца ў Беларусі адносна працоўных пенсій (па ўзросце, за выслугу гадоў, акрамя пенсій ваеннаслужачых, прыраўнаваных да іх асоб, членаў іх сем'яў і дзяржаўных служачых), па інваліднасці, па прычыне страты карміцеля. "Назначаная пенсія можа выплачвацца па выбары працоўнага - на тэрыторыі яго пражывання або дзяржавы-члена, якая назначыла пенсію", - сказала Людміла Канановіч.

Яна звярнула ўвагу на адну асаблівасць - кожная дзяржава будзе назначаць і вылічаць памер пенсіі за перыяды работы з выплатай страхавых узносаў, што сфарміраваны на яе тэрыторыі, пасля ўступлення ў сілу пагаднення. "Пры вылічэнні памеру пенсіі за стаж, атрыманы да гэтага, будуць прымяняцца нормы пагаднення аб гарантыях правоў грамадзян дзяржаў СНД у галіне пенсійнага забеспячэння ад 13 сакавіка 1992 года і дагавора паміж Беларуссю і Расіяй аб супрацоўніцтве ў галіне сацыяльнага забеспячэння ад 24 студзеня 2006 года", - растлумачыла парламентарый.

У пагадненні змешчаны прынцып роўнасці працоўных, пры якім пенсійныя правы фарміруюцца і рэалізуюцца на ўмовах, прадугледжаных для грамадзян дзяржавы працаўладкавання. Прадугледжваецца падсумоўванне стажу, атрыманага ў іншых краінах ЕАЭС у выпадку, калі таго, што атрыманы на тэрыторыі адной з іх, недастаткова для ўзнікнення права на пенсію.

Людміла Канановіч адзначыла, што ва ўмовах працоўнай міграцыі рэалізацыя права на пенсійнае забеспячэнне магчыма шляхам заключэння і ратыфікацыі міжнародных дагавораў. Гэта работа мае перманентны характар. Так, толькі за апошнія два гады міжнародныя дагаворы ў галіне сацыяльнага (пенсійнага) забеспячэння ратыфікаваны з Чэхіяй, Эстоніяй, Польшчай і Малдовай. У аснову гэтых дагавораў, уключаючы пагадненне ЕАЭС, закладзены прапарцыянальны прынцып. Гэта значыць, кожная дзяржава назначае і выплачвае пенсію за стаж з выплатай страхавых узносаў, атрыманы на яе тэрыторыі.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць