Дэпутат: акцыі пратэсту адкрываюць дзверы ў нашы гарады для радыкалізму і экстрэмізму

БелТА

15 кастрычніка 2020

15 кастрычніка, Мінск /Кар. БЕЛТА/. Акцыі пратэсту адкрываюць дзверы ў нашы гарады для радыкалізму і экстрэмізму. Такое меркаванне карэспандэнту БЕЛТА выказаў член Пастаяннай камісіі па заканадаўстве Палаты прадстаўнікоў Віталь Уткін.

"Сёння беларускае грамадства павінна засяродзіць сваю ўвагу на тым, што гэтымі акцыямі пратэсту мы адкрываем дзверы ў нашы гарады, у краіну для радыкалізму і ў далейшым - экстрэмізму на нашых вуліцах. Для беларускага ўкладу гістарычна гэта не характэрна, - сказаў Віталь Уткін. - Маладыя людзі, якія сёння выходзяць на акцыі пратэсту, напэўна, дрэнна вучылі гісторыю або без павагі ставяцца да каштоўнасцей старэйшага пакалення, якое цаной жыцця адстаяла мір для Беларусі. І цяпер нельга дапусціць, каб мірнае жыццё нашых грамадзян разбурылі рукамі гэтых дэструктыўных сіл, якія нібыта прапаведуюць добрыя ідэі".

Паводле слоў парламентарыя, акцыі пратэсту - гэта завуаліраваны радыкалізм і экстрэмізм. "І таму грамадства павінна адэкватна адказваць на дзеянні гэтых сіл. У першую чаргу, яны парушаюць правы чалавека - на адпачынак, спакойнае перамяшчэнне па вуліцы. Пратэстуючыя перапыняюць дарожны рух, не ўлічваючы пры гэтым правы вадзіцеляў. Гэта бесцырымонныя і бескампрамісныя дзеянні", - адзначыў ён.

Віталь Уткін нагадаў, што ў Беларусі пачалі работу дыялогавыя пляцоўкі па абмеркаванні змяненняў у Канстытуцыю, ідзе падрыхтоўка да Усебеларускага народнага сходу. У кожнага беларуса ёсць магчымасць выказаць свае прапановы і быць пачутым.