Рус Бел En
Галоўная / Прэс-служба / Інтэрв'ю, выступленні, публікацыі
13.07.2021

Міцкевіч: узаемадзеянне з Тэгеранам — традыцыйны складнік шматвектарнай палітыкі Беларусі

13 ліпеня 2021

13 ліпеня, Мінск /Кар. БЕЛТА/. Узаемадзеянне з Тэгеранам - традыцыйны складнік шматвектарнай палітыкі Беларусі, заявіў намеснік старшыні Палаты прадстаўнікоў Валерый Міцкевіч у час сустрэчы з кіраўніком рабочай групы Сходу ісламскага савета Ісламскай Рэспублікі Іран па супрацоўніцтве з парламентам Беларусі Абальфазлам Амуі, перадае карэспандэнт БЕЛТА.

"Узаемадзеянне з Тэгеранам з'яўляецца традыцыйным складнікам шматвектарнай палітыкі Беларусі. Як адзначыў Прэзідэнт, свет не замыкаецца толькі на ЗША або ЕС. Ключавой асаблівасцю Беларусі ў выбудоўванні адносін з іншымі дзяржавамі з'яўляецца тое, што мы ніколі не звяртаемся да нядобрасумленных метадаў, да санкцыйнага прэсінгу або абмежавальных мер. Мы - надзейны, прадказальны партнёр, ці гэта ў рамках ААН або Руху недалучэння, ці гэта ў любых іншых міжнародных арганізацыях", - сказаў Валерый Міцкевіч.

Паводле яго слоў, беларускія парламентарыі заўсёды цанілі і цэняць дружалюбныя сувязі з Іранам. "Сустрэчы і дыялог у парламенцкім вымярэнні дазваляюць падтрымліваць узаемны давер і ўлік узаемных інтарэсаў. Улічваючы, што ў нас у парламентах сфарміраваны групы дружбы, я думаю, што гэта самы прамы, цесны і карысны кантакт у парламенцкім узаемадзеянні, - падкрэсліў віцэ-спікер. - Мы рады вас бачыць на нашай зямлі".

Як дадаў Абальфазл Амуі, паміж Іранам і Беларуссю гістарычна склалася дружба і супрацоўніцтва. "Але мы лічым, што цяпер, калі некаторыя краіны імкнуцца ўмешвацца ва ўнутраныя справы Беларусі, мы павінны яшчэ больш, чым раней, узаемадзейнічаць. Таму мы лічым, што трэба вызначыць новыя напрамкі для ўзаемадзеяння і супрацоўніцтва. У нас на гэты час у палітычнай і міжнароднай сферах вельмі добрае ўзаемадзеянне, але лічым, што павінны ў эканамічнай, гандлёвай сферы актывізаваць адносіны", - адзначыў ён.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць