Галоўная / Беларуская версія / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


25.03.2019

Парламентарыі Беларусі і Нідэрландаў абмеркавалі ў Мінску перспектывы «Хельсінкі-2»

Палітыка 25.03.2019 | 16:42

25 сакавіка, Мінск /Святлана Саўко - БЕЛТА/. Парламентарыі Беларусі і Нідэрландаў абмеркавалі сёння на сустрэчы ў Мінску перспектывы "Хельсінкі-2", а таксама развіццё двухбаковага палітычнага дыялогу, перадае карэспандэнт БЕЛТА.

Кіраўнік парламенцкай дэлегацыі Нідэрландаў, дэпутат Парламента каралеўства Райман дэ Роан на сустрэчы са старшынёй Пастаяннай камісіі па міжнародных справах Палаты прадстаўнікоў Валерыем Варанецкім прапанаваў абмеркаваць геапалітычную сітуацыю. Райман дэ Роан асобна спыніўся на ініцыятыве Беларусі аб запуску "Хельсінкі-2" і звязанымі з ім спадзяваннямі па разрадцы напружання.

Дэпутат папрасіў беларускага калегу падзяліцца меркаваннем, калі гэты працэс будзе запушчаны. Валерый Варанецкі адзначыў складанасць і супярэчлівасць сённяшняй геапалітычнай сітуацыі. Бакі з Захаду і Усходу, што процістаяць адзін аднаму, павінны ўсвядоміць: далей працягваць такім чынам нельга, трэба сядаць за стол перагавораў. "Тады і працэс, падобны да Хельсінкскага, павінен будзе абавязкова адбыцца", - падкрэсліў ён.

Валерый Варанецкі звярнуў увагу, што Беларусь імкнецца рабіць свой пасільны ўклад ва ўмацаванне стабільнасці і бяспекі ў рэгіёне. Краіне, нягледзячы на тое, што яна знаходзіцца на мяжы геапалітычнага процістаяння, удалося захаваць добрыя прагматычныя адносіны з усімі суседзямі. Гэтаму садзейнічае шматвектарная знешняя палітыка беларускай дзяржавы.

Парламенцкая дэлегацыя Нідэрландаў упершыню наведала з візітам Беларусь. Падчас сустрэчы ў Палаце прадстаўнікоў абодва бакі выказалі спадзяванне, што парламенцкі дыялог будзе працягвацца. Дэпутаты Парламента Нідэрландаў зацікаўлены ў тым, каб часцей сустракацца з беларускімі калегамі, больш даведвацца ў іх аб сітуацыі ў краіне.

Падчас сустрэчы разглядалася таксама гандлёва-эканамічнае і гуманітарнае супрацоўніцтва, абмяркоўваліся ІІ Еўрапейскія гульні, што пройдуць у Мінску, і іншыя пытанні.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць