Галоўная / Беларуская версія / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


24.06.2019

Праект бюджэту на 2020 год захавае падыходы па паступальным росце зарплат і пенсій

Эканоміка 24.06.2019 | 16:18

24 чэрвеня, Мінск /Кар. БЕЛТА/. Праект рэспубліканскага бюджэту на 2020 год, работа над якім цяпер вядзецца, арыентаваны на паступальны рост зарплат і пенсій. Аб гэтым паведаміла журналістам старшыня Пастаяннай камісіі па бюджэце і фінансах Палаты прадстаўнікоў Людміла Дабрыніна на пашыраным пасяджэнні камісіі, дзе разглядаліся праекты законаў па зацвярджэнні справаздач аб выкананні бюджэту дзяржаўнага пазабюджэтнага фонду сацыяльнай абароны насельніцтва і рэспубліканскага бюджэту за 2018 год, перадае карэспандэнт БЕЛТА.

Рэспубліканскі бюджэт за 2018 год выкананы з прафіцытам Br4,7 млрд. Адзначалася дынаміка ў знешнім гандлі, павышэнні канкурэнтаздольнасці галін эканомікі, іх прыбытковасці. "Гэта дало магчымасць забяспечыць устойлівасць і стабільнасць даходнай часткі, выканаць сацыяльныя абавязацельствы", - адзначыла Людміла Дабрыніна.

Асноўнымі прыярытэтамі ў галіне бюджэтнай палітыкі на бліжэйшыя гады застаецца паступальны рост зарплат і пенсій, развіццё рэгіёнаў. "Гэтыя пазіцыі з'яўляюцца прыярытэтнымі задачамі і ў 2019 годзе. У праекце бюджэту на 2020 год такія падыходы захаваны і падтрыманы рабочымі групамі", - дадала дэпутат.

У цэлым даходы рэспубліканскага бюджэту ў 2018 годзе склалі Br24,4 млрд, або 100,6 працэнта ўдакладненага гадавога плана, што на Br3,9 млрд больш за першапачаткова зацверджаны аб'ём, расходы - Br19,7 млрд (93,9 працэнта ўдакладненага гадавога плана).

"Бюджэт фарміраваўся зыходзячы з кансерватыўнага сцэнарыя развіцця эканомікі. Яго выкананне ажыццяўлялася ва ўмовах спрыяльнай знешнеэканамічнай кан'юнктуры і паляпшэння важнейшых параметраў сацыяльна-эканамічнага развіцця ў параўнанні з прагнозам", - сказаў начальнік галоўнага дзяржаўнага казначэйства Міністэрства фінансаў Сяргей Качан.

Як паведамлялася, рэспубліканскі бюджэт Беларусі на 2020 год плануецца з нулявым прафіцытам. Праект бюджэту павінен быць гатовы да 1 жніўня.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць