Рус Бел En
Галоўная / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


10.09.2020

Савіных і старшыня ПА АБСЕ абмеркавалі бягучую ўнутрыпалітычную сітуацыю ў Беларусі

10 верасня 2020

10 верасня, Мінск /Кар. БЕЛТА/. Сёння адбылася анлайн-сустрэча старшыні Пастаяннай камісіі па міжнародных справах Палаты прадстаўнікоў, кіраўніка дэлегацыі Нацыянальнага сходу Беларусі ў ПА АБСЕ Андрэя Савіных са старшынёй ПА АБСЕ Георгіем Цэрэтэлі. Аб гэтым БЕЛТА паведамілі ў прэс-службе Палаты прадстаўнікоў.

Бакі абмеркавалі бягучую ўнутрыпалітычную сітуацыю ў Беларусі. Андрэй Савіных нагадаў, што 9 жніўня прайшлі прэзідэнцкія выбары. Прызнана, што яны адбыліся, па іх выніках, у адпаведнасці з пратаколам ЦВК Беларусі, перамогу атрымаў дзеючы Прэзідэнт Аляксандр Лукашэнка. Яго перамога ўскосна пацвярджаецца і незалежнымі экспертамі, у прыватнасці вынікамі экзітполаў, праведзеных прадстаўнікамі Расіі, Украіны, Швецыі і Сербіі. "Тым не менш, вынікі выбараў былі ўспрыняты часткай беларускага грамадства контрпрадукцыйна, што прывяло да пратэсных акцый, у тым ліку несанкцыянаваных масавых мерапрыемстваў, насілля ў адносінах да супрацоўнікаў правапарадку, беспарадкаў на вуліцах краіны. Ёсць сведчанні, што гэтыя акцыі арганізуюцца і фінансуюцца звонку, што з'яўляецца ўмяшаннем ва ўнутраныя справы дзяржавы", - адзначыў ён.

На пытанне Георгія Цэрэтэлі адносна колькасці затрыманых і арыштаваных грамадзян, парламентарый адказаў, што пераважная частка затрыманых ужо на волі, частка з іх атрымала толькі штрафы за парушэнне грамадскага парадку. Адносна выпадкаў злоўжыванняў сілай у ІЧУ праводзіцца праверка, створана міжведамасная рабочая група, якая ўважліва вывучае ўсе здарэнні.

У час размовы дэпутат адзначыў, што беларускія ўлады ўсведамляюць неабходнасць палітычных рэформ у краіне, у тым ліку надзяленне большымі паўнамоцтвамі парламента і ўрада, а таксама неабходнасць унясення паправак у выбарчае заканадаўства і законы, якія рэгулююць правядзенне масавых мерапрыемстваў. Такія змяненні будуць разглядацца праз шырокае грамадскае абмеркаванне новай рэдакцыі асноўнага закона краіны з прыцягненнем да такога дыялогу дзеючых палітычных партый і грамадскіх аб'яднанняў, якія маюць афіцыйны статус.

Адказваючы на пытанне старшыні ПА АБСЕ аб тым, ці будзе ўдзельнічаць у такой дыскусіі каардынацыйны савет, Андрэй Савіных падкрэсліў, што юрыдычны статус гэтага ўтварэння да канца не зразумелы, а рыторыка яго прадстаўнікоў мае неканструктыўны характар, што не дае ўладам магчымасці весці перагаворы. У дыскусіі адносна палітычных рэформ абавязкова павінны прыняць удзел афіцыйна зарэгістраваныя ў краіне палітычныя партыі, грамадскія і прафесійныя аб'яднанні. Цяпер прапрацоўваецца алгарытм правядзення такіх перагавораў. Што датычыцца замежных партнёраў Беларусі, у тым ліку па Парламенцкай асамблеі АБСЕ, то Беларусь па гатоўнасці можа звярнуцца да калег за юрыдычнай дапамогай з улікам лепшых іх практык. На заканчэнне сустрэчы бакі дамовіліся і ў далейшым падтрымліваць цесныя рабочыя кантакты.

У мерапрыемстве таксама прынялі ўдзел генеральны сакратар ПА АБСЕ Раберта Мантэла, кіраўніцтва агульнага камітэта ПА АБСЕ па дэмакратыі, правах чалавека і гуманітарных пытаннях і кіраўнік дэлегацыі Албаніі (краіны, якая старшынствуе ў АБСЕ) у ПА АБСЕ Дзітмір Бушаці.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць