Рус Бел En
Галоўная / Прэс-служба / Інтэрв'ю, выступленні, публікацыі

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


14.04.2020

У Беларусі распрацоўваюцца кропкавыя меры эканамічнай падтрымкі бізнесу і насельніцтва — Брыч

14 красавіка 2020

14 красавіка, Брэст /Кар. БЕЛТА/. У Беларусі распрацоўваюцца кропкавыя меры падтрымкі суб'ектаў гаспадарання і людзей, якія апынуліся ў складанай эканамічнай сітуацыі з-за каранавіруса. Аб гэтым паведаміў у размове з карэспандэнтам БЕЛТА старшыня Пастаяннай камісіі Палаты прадстаўнікоў па эканамічнай палітыцы Леанід Брыч.

"Урад бачыць гэту праблему і ставіць задачы па яе вырашэнні. Распрацоўваецца комплекс мер, накіраваных на падтрымку эканомікі і сацыяльнай сферы. Рэальнаму сектару расшыраны асартымент і павялічаны аб'ёмы прадастаўляемых урадам гарантый па крэдытах. Нямала прапаноў уносяць і дэпутаты, - адзначыў Леанід Брыч. - Робіцца ўсё неабходнае, каб максімальна захаваць працоўныя месцы, мінімізаваць рызыкі і страты для прадпрыемстваў усіх форм уласнасці. Разглядаюцца варыянты падтрымкі фізічных асоб, чые даходы скараціліся з-за пандэміі".

Парламентарый растлумачыў, што комплекс эканамічнай падтрымкі будзе рэалізаваны ў некалькі этапаў. Вядзецца падрыхтоўка праекта адпаведнага ўказа. У прыватнасці, разглядаюцца магчымасці пераносу тэрмінаў выканання суб'ектамі гаспадарання падатковых абавязацельстваў, прадастаўлення права мясцовым Саветам дэпутатаў уводзіць паніжаючыя каэфіцыенты да маёмасных падаткаў, правядзення так званых падатковых канікулаў для індывідуальных прадпрымальнікаў і самазанятых. Яшчэ адной дзейснай мерай у гэтым напрамку можа стаць павелічэнне тэрмінаў знешнегандлёвых аперацый са 180 да 280 каляндарных дзён.

"Мы прапануем прыпыніць выплаты сум асноўнага доўгу і працэнтаў па крэдытах, прадаставіць малому і сярэдняму бізнесу канікулы на выплату камунальных паслуг. Яшчэ адзін з варыянтаў падтрымкі - прапанаваць пацярпелым ад пандэміі акцыянерным таварыствам правесці дадатковую эмісію прывілеяваных акцый з далейшым набыццём іх дзяржавай з безумоўным правам адваротнага выкупу ў поўным аб'ёме, калі сітуацыя нармалізуецца", - адзначыў Леанід Брыч. Таксама прадугледжваецца спрашчэнне парадку і ўмоў прадастаўлення дзяржаўнай адраснай сацыяльнай дапамогі сем'ям, якія ў цяперашніх умовах страцілі даход. Сярод прэферэнцый можна назваць і вызваленне ад налічэння пені (да шасці месяцаў) у выпадку нясвоечасовай аплаты камунальных паслуг.

Асаблівую ўвагу распрацоўшчыкі комплекснага плана ўдзяляюць магчымасцям забеспячэння аддаленай работы персаналу прадпрыемстваў і дыстанцыйнага навучання школьнікаў і студэнтаў.

Усе інтэрв'ю
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць