Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
01.07.2020
Выступленне старшынi Палаты прадстаўнiкоў Нацыянальнага сходу Рэспублiкi Беларусь У. П. Андрэйчанкi на закрыццi другой сесii Палаты прадстаўнiкоў Нацыянальнага сходу Рэспублiкi Беларусь сёмага склiкання.
Паважаныя дэпутаты i запрошаныя!
Другая сесiя Палаты прадстаўнiкоў Нацыянальнага сходу Рэспублiкi Беларусь сёмага склiкання завяршае сваю работу.
Яна праходзiла на фоне сур'ёзных змен, якiя закранаюць увесь свет. Супрацьстаянне дзяржаў, ускладненае наступствамi пандэмii i адсутнасцю канструктыўнага мiжнароднага дыялогу, непазбежна адбiлася i на сiтуацыi ў нашай краiне. Спатрэбiлася максiмальная канцэнтрацыя намаганняў усiх органаў улады, у тым лiку парламента, па падтрыманнi эканамiчнай стабiльнасцi, ахове жыцця i здароўя нашых грамадзян.
Усё гэта абумовiла напружаны характар парадку дня i складанасць тых задач, якiя давялося вырашаць дэпутацкаму корпусу падчас сесii.
У гэты адказны для краiны перыяд намi прыняты важныя палiтычныя рашэннi аб прызначэннi выбараў Прэзiдэнта Рэспублiкi Беларусь i дачы згоды кiраўнiку дзяржавы на прызначэнне прэм'ер-мiнiстра.
Заканадаўчым вынiкам сесii стаў разгляд каля 80 дакументаў, значная частка якiх накiравана на разняволенне дзелавой iнiцыятывы, паляпшэнне ўмоў гаспадарання ў краiне i прасоўванне эканамiчных iнтарэсаў Беларусi за мяжой.
Мы працягнулi курс на лiбералiзацыю асобных сфер заканадаўства. У адпаведнасцi з даручэннем кiраўнiка дзяржавы дэпутацкi корпус узяў самы непасрэдны ўдзел у падрыхтоўцы новых рэдакцый Кодэкса аб адмiнiстрацыйных правапарушэннях i Працэсуальна-выканаўчага кодэкса аб адмiнiстрацыйных правапарушэннях. У пастаянных камiсiях было прааналiзавана каля 800 прапаноў, якiя паступiлi ад выбаршчыкаў.
Прыняты закон «Аб амнiстыi ў сувязi з 75-годдзем Перамогi ў Вялiкай Айчыннай вайне 1941 — 1945 гадоў», якi даў шанц многiм асуджаным, у тым лiку i па 328-м артыкуле Крымiнальнага кодэкса, вярнуцца да нармальнага жыцця ў грамадстве.
У ходзе сесii ратыфiкавана 37 мiжнародных дагавораў, рэалiзацыя якiх будзе спрыяць узмацненню гандлёва-эканамiчных пазiцый Беларусi ў Еўразiйскiм эканамiчным саюзе, развiццю ўзаемавыгадных адносiн з Iранам, Кубай, Сiнгапурам, Сербiяй, Узбекiстанам, Таджыкiстанам i шэрагам iншых краiн.
Важным крокам ва ўмацаваннi сувязяў з нашымi заходнiмi партнёрамi стала ратыфiкацыя пагаднення з Еўрасаюзам аб спрашчэннi выдачы вiз, якое ўступае ў сiлу ўжо з заўтрашняга дня.
Гаворачы аб нашай мiжпарламенцкай дзейнасцi, варта адзначыць, што, нягледзячы на абмежаваннi, уведзеныя ва ўсiм свеце ў сувязi з пандэмiяй, яна захавала сваю пазiтыўную дынамiку.
Беларускiя дэпутаты рэгулярна бралi ўдзел у вэбiнарах па лiнii Парламенцкай асамблеi АБСЕ, сустрэчах з парламентарыямi i кiраўнiкамi дыпламатычных мiсiй Германii, Iталii, Расii, ЗША, Японii, а таксама з прадстаўнiкамi шэрагу мiжнародных арганiзацый.
Упершыню ў рэжыме анлайн прайшлi пасяджэннi пастаянных камiсiй i Савета Парламенцкай Асамблеi АДКБ. Яго ўдзельнiкi абмеркавалi стратэгiю сiстэмнага ўзаемадзеяння па забеспячэннi бяспекi ў рэгiёне i пацвердзiлi сваю рашучасць супрацьстаяць спробам фальсiфiкацыi гiсторыi i перагляду вынiкаў Другой сусветнай вайны.
Сур'ёзная работа праведзена па падрыхтоўцы да пяцьдзясят восьмай сесii Парламенцкага Сходу Саюза Беларусi i Расii, якая адбудзецца ўжо на наступным тыднi. Асноўнымi прыярытэтамi для дэпутацкага корпуса тут застаюцца роўнасць правоў грамадзян i суб'ектаў гаспадарання, адстойванне нацыянальных iнтарэсаў у рамках Саюзнага будаўнiцтва. Iнтэграцыя павiнна насiць узаемавыгадны характар, спрыяць эфектыўнаму развiццю эканомiк нашых дзяржаў.
Толькi ўстойлiвая, адаптыўная i дакладна кiраваная эканомiка служыць залогам сацыяльнага дабрабыту. Таму пытаннi эканамiчнага росту павiнны заставацца ў цэнтры ўвагi дэпутатаў i ў мiжсесiйны перыяд.
Сёння прынцыпова важна аднавiць нармальны рытм работы эканомiкi i падрыхтаваць пакет бюджэтных дакументаў на 2021 год. Дэпутаты ўжо падключылiся да гэтага працэсу, актыўна ўзаемадзейнiчаючы з урадам, профiльнымi мiнiстэрствамi i ведамствамi.
Наша задача — прааналiзаваць сiтуацыю, звязаную з пандэмiяй, i прадумаць, як выкарыстоўваць патэнцыйныя магчымасцi, якiя яна ў сабе змяшчае, на карысць краiны.
Пры гэтым нельга забываць аб вызначэннi шляхоў далейшага развiцця. Неабходна прыстасаваць нацыянальную эканомiку да новай рэальнасцi, робячы акцэнт на лiчбавiзацыi, тэхналагiчных iнавацыях, змене бiзнес-стратэгiй i менеджменту.
Зразумела, гэтыя iдэi знойдуць сваё адлюстраванне ў новай праграме сацыяльна-эканамiчнага развiцця, у распрацоўцы якой возьме ўдзел i дэпутацкi корпус.
Пад жорсткi кантроль трэба ўзяць работу з законапраектамi эканамiчнага блока. Гэта перш за ўсё змяненнi ў законы аб гаспадарчых таварыствах, гандлi i грамадскiм харчаваннi, аб выканаўчым вядзеннi. Неабходна паскорыць iх падрыхтоўку да другога чытання i забяспечыць своечасовы разгляд.
Акрамя таго, варта актыўна падключыцца да работы профiльных мiнiстэрстваў над новай рэдакцыяй Закона аб эканамiчнай неплацежаздольнасцi (банкруцтве). Мы павiнны забяспечыць яго якасную падрыхтоўку яшчэ да ўнясення ў Палату прадстаўнiкоў.
З улiкам правапрымяняльнай практыкi, шматлiкiх зваротаў грамадзян неабходна падысцi i да карэкцiроўкi зямельнага заканадаўства. Пытанне няпростае i патрабуе захавання балансу iнтарэсаў дзяржавы i грамадзян.
Асобая задача ў мiжсесiйны перыяд — выкананне даручэння кiраўнiка дзяржавы аб уступленнi ў сiлу новых рэдакцый Кодэкса аб адмiнiстрацыйных правапарушэннях i Працэсуальна-выканаўчага кодэкса аб адмiнiстрацыйных правапарушэннях са студзеня 2021 года. Прынятыя намi сёння ў першым чытаннi адпаведныя праекты трэба дэталёва прапрацаваць, дасканала абмеркаваць з практыкамi, каб да пачатку восеньскай сесii максiмальна лiквiдаваць наяўныя супярэчнасцi.
Цэлы комплекс законапраектаў звязаны з рэалiзацыяй канстытуцыйных правоў i гарантый нашых грамадзян. На парадку дня — павышэнне даступнасцi правасуддзя, якасць аказання медыцынскай дапамогi, актыўная сацыялiзацыя iнвалiдаў, пенсiйнае забеспячэнне, жыллёвыя пытаннi.
Яшчэ адзiн важны кiрунак, дзе дэпутацкаму корпусу трэба сумесна папрацаваць з урадам, — унясенне змяненняў у Кодэкс аб адукацыi. Падрыхтоўка квалiфiкаваных кадраў, усебаковае развiццё чалавечага капiталу — гэта неадкладнае патрабаванне часу.
Словам, работа наперадзе вельмi адказная, бо нормы ўсiх гэтых законапраектаў закранаюць iнтарэсы практычна кожнага грамадзянiна, запатрабаваныя бiзнес-супольнасцю i правапрымяняльнiкамi.
Натуральна, у цяперашнi час асноўная ўвага грамадскасцi прыцягнута да галоўнай палiтычнай кампанii — выбараў Прэзiдэнта Рэспублiкi Беларусь.
Любыя выбары суправаджаюцца павышанай сацыяльнай актыўнасцю i палiтызацыяй грамадскага жыцця. На жаль, у Беларусi пэўныя сiлы кожны раз спрабуюць выкарыстаць выбарчую кампанiю не на карысць краiны, а каб разгайдаць сацыяльна-палiтычную сiтуацыю.
Цяперашнiя выбары не выключэнне. Мы бачым спробы, якiя падтрымлiваюцца звонку, пасеяць раскол у грамадстве, унушыць народу недавер да ўлады, спекулюючы на тэме пандэмii i звязаных з ёй эканамiчных цяжкасцях.
Пад выглядам перадвыбарных мерапрыемстваў наладжваюцца адкрытыя правакацыi, выкарыстоўваюцца брудныя палiттэхналогii, iдзе масiраваная iнфармацыйная атака на кiраўнiцтва краiны, прыхiльнiкаў дзеючай улады. Гэта недапушчальна.
Задача парламентарыяў — прыкласцi максiмум намаганняў, каб выбары прайшлi сумленна, адкрыта, у спакойнай, бяспечнай абстаноўцы i ў строгай адпаведнасцi з нацыянальным заканадаўствам.
Трэба больш актыўна працаваць з грамадзянскай супольнасцю, выслухоўваць усе думкi i цярплiва, без эмоцый тлумачыць, што стаiць за безадказнымi папулiсцкiмi заявамi i што на самай справе трэба рабiць, каб забяспечыць суверэнiтэт краiны, сацыяльную стабiльнасць i здароўе грамадзян.
Незалежнасць i дабрабыт дорага каштуюць. Яны дасягаюцца ўпартай працай, выверанай знешняй палiтыкай, адзiнствам нацыi. Галоўная задача сёння — захаваць тое, што створана ў краiне за чвэрць стагоддзя, забяспечыўшы мiр, справядлiвасць i эвалюцыйны шлях развiцця, i на гэтым трывалым падмурку рухацца наперад.
Адначасова дэпутатам неабходна працягнуць манiторынг сацыяльна-эканамiчнай сiтуацыi ў рэгiёнах. У цэнтры ўвагi павiнны быць фiнансавае становiшча прадпрыемстваў, захаванне рабочых месцаў i працоўных калектываў, своечасовасць выплаты заробкаў, пенсiй, дапамог. Асаблiвага клопату патрабуюць найбольш уразлiвыя катэгорыi насельнiцтва — пажылыя людзi, iнвалiды, шматдзетныя сем'i i, зразумела, урачы, якiя працягваюць заставацца на пярэднiм краi барацьбы з вiрусам.
Мы павiнны падтрымаць людзей i словам, i справай. Упэўнены, што ў беларускага народа хопiць мудрасцi годна прайсцi гэтую палiтычную кампанiю i захаваць Беларусь як дзяржаву, якая ўпэўнена рэалiзуе ўласны шлях развiцця.
Усе інтэрв'ю