10 чэрвеня 2021 года пад кіраўніцтвам старшыні Пастаяннай камісіі Палаты прадстаўнікоў па міжнародных справах Савіных А.У. прайшла нарада кіраўнікоў рабочых груп Нацыянальнага сходу Рэспублікі Беларусь па супрацоўніцтве з парламентамі краін СНД і Грузіі.

У мерапрыемстве прынялі ўдзел дэпутаты Палаты прадстаўнікоў, члены Савета Рэспублікі, першы намеснік Міністра спорту і турызму Рэспублікі Беларусь Дурноў В.В., прадстаўнікі Міністэрства замежных спраў Рэспублікі Беларусь, Дзяржаўнага камітэта па навуцы і тэхналогіях Рэспублікі Беларусь, Беларускай гандлёва-прамысловай палаты.

Парламентарыі абмеркавалі актуальныя напрамкі паглыблення супрацоўніцтва з краінамі СНД і Грузіі, абмяняліся цікавым вопытам па формах і метадах работы рабочых груп, а таксама па ўзаемадзеянні з дзяржаўнымі органамі і арганізацыямі ў мэтах прасоўвання нацыянальных інтарэсаў на прасторы Садружнасці Незалежных Дзяржаў.

Было прызнана мэтазгодным больш шырока ўкараняць у практыку работы правядзенне рэгулярных сустрэч з адпаведнымі парламенцкімі групамі дружбы ў заканадаўчых органах замежных дзяржаў, прадстаўнікамі знешнепалітычнага ведамства і дыпламатычнага корпуса Рэспублікі Беларусь за мяжой, а таксама ўдзел дэпутатаў у пасяджэннях міжурадавых камісій, выставах, канферэнцыях, семінарах, якія арганізуюцца ва ўзаемадзеянні з галіновымі міністэрствамі і ведамствамі, іншымі арганізацыямі Рэспублікі Беларусі.