Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
10 сакавіка 2020 года пад старшынствам І.С.Камароўскага адбылося пашыранае пасяджэнне Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі.
У пасяджэнні прынялі ўдзел намеснік Міністра сувязі і інфарматызацыі Гардзеенка Н.М., прадстаўнікі Міністэрства сувязі і інфарматызацыі, РУП «Белпошта», дэпутаты Палаты прадстаўнікоў Уткін В.Ю. і Свіла В.З., работнікі сакратарыятаў Савета Рэспублікі і Палаты прадстаўнікоў.
На пасяджэнні быў разгледжаны ўнесены Урадам праект Закона Рэспублікі Беларусь «Аб ратыфікацыі Другога дадатковага пратакола да Сусветнай паштовай канвенцыі».
Прадстаўляючы гэты дакумент, Н.М.Гардзеенка адзначыла, што ўнясенне змяненняў і дапаўненняў у Сусветную паштовую канвенцыю датычыцца ўдасканалення тарыфнай палітыкі ў частцы адпраўленняў пісьмовай карэспандэнцыі паміж краінамі — членамі Сусветнага паштовага саюза.
Члены камісіі задалі шэраг удакладняльных пытанняў па законапраекце.
Па выніках абмеркавання Пастаяннай камісіяй прынята рашэнне ўнесці прапанову аб уключэнні пытання аб праекце Закона Рэспублікі Беларусь «Аб ратыфікацыі Другога дадатковага пратакола да Сусветнай паштовай канвенцыі» ў парадак дня другой сесіі Палаты прадстаўнікоў Нацыянальнага сходу Рэспублікі Беларусь сёмага склікання і рэкамендаваць дэпутатам Палаты прадстаўнікоў прыняць яго, прагаласаваўшы за дакумент у цэлым.