Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
10 снежня 2021 года адбылася сустрэча дэпутатаў Палаты прадстаўнікоў і членаў Савета Рэспублікі з Прэм’ер-міністрам Рэспублікі Беларусь і членамі Урада па абмеркаванні праектў законаў Рэспублікі Беларусь «Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2022 год», «Аб змяненні законаў» (па пытаннях падаткаабкладання) і «Аб рэспубліканскім бюджэце на 2022 год».
Адкрываючы пасяджэнне, Старшыня Палаты прадстаўнікоў Нацыянальнага сходу Рэспублікі Беларусь Андрэйчанка У.П. акцэнтаваў увагу на рабоце, якую правёў дэпутацкі корпус на стадыі распрацоўкі прызначаных законапраектаў.
Прэм’ер-міністр Рэспублікі Беларусь Галоўчэнка Р.А. расказаў аб бягучай сітуацыі і тэндэнцыях, якія складваюцца ў эканоміцы.
Міністр фінансаў Рэспублікі Беларусь СеліверстаўЮ.М. абгрунтаваў канцэптуальныя падыходы і параметры бюджэту з улікам стану эканомікі і магчымых перспектыў яе развіцця ў 2022 годзе, абазначыў напрамкі ўдасканалення падатковай палітыкі.
Дэпутаты задалі пытанні, якія тычацца санкцыйных абмежаванняў, забеспячэння бяспекі Рэспублікі Беларусь у эканамічнай сферы, аптымізацыі дзяржаўных расходаў і забеспячэння сацыяльнай абароны грамадзян, скарачэння міжрэгіянальнай дыферэнцыяцыі.
Падводзячы вынікі сустрэчы, Андрэйчанка У.П. адзначыў яе высокую прадуктыўнасць, вызначыў парадак работы Палаты прадстаўнікоў з пакетам бюджэтных законапраектаў.