12 лютага 2022 года намеснік Старшыні Палаты прадстаўнікоў Міцкевіч В.В. у рамках удзелу у XXXVI Генеральнай асамблеі ПАРЛАЦІНА правёў сустрэчу з нацыянальнай дэлегацыяй Уругвая ў Лацінаамерыканскім парламенце.

У склад дэлегацыі ўваходзіць дэпутат Генеральнай асамблеі Уругвая — кіраўнік групы па супрацоўніцтве з Парламентам Беларусі Пабла Гансалес. Ён наведваў Рэспубліку Беларусь у якасці Генеральнага сакратара Лацінаамерыканскага парламента. У цяперашні час уругвайскі палітык з’яўляецца членам Кансультатыўнай рады ПАРЛАЦІНА.

Бакі абмяняліся думкамі аб міжнароднай сітуацыі, праблеме нераўнамернага размеркавання вакцын паміж краінамі, палітыцы санкцыйнага ціску на Беларусь. В.В.Міцкевіч таксама праінфармаваў уругвайскіх парламентарыяў аб ходзе падрыхтоўкі да рэспубліканскага рэферэндуму ў Рэспубліцы Беларусь.

Акрамя таго, былі абмеркаваны перспектыўныя напрамкі гандлёва-эканамічнага супрацоўніцтва, перш за ўсё ў галіне сельскай гаспадаркі.