Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
14 ліпеня 2021 года ў Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы адбылася рабочая нарада па праекце Закона Рэспублікі Беларусь «Аб змяненні законаў па пытаннях забеспячэння адзінства вымярэнняў і аховы водных рэсурсаў».
У пасяджэнні прынялі ўдзел намеснік Старшыні Палаты
прадстаўнікоў Рэспублікі Беларусь Міцкевіч В.В., старшыня Пастаяннай камісіі
Савета Рэспублікі Нацыянальнага сходу Рэспублікі Беларусь па рэгіянальнай
палітыцы і мясцовым самакіраванні Русы М.І., намеснік Міністра прыродных
рэсурсаў і аховы навакольнага асяроддзя Рэспублікі Беларусь Гарошка А. В.,
намеснік Міністра аховы здароўя — Галоўны дзяржаўны санітарны ўрач Рэспублікі
Беларусь Тарасенка А.А., намеснік Міністра жыллёва-камунальнай гаспадаркі
Рэспублікі Беларусь Смірноў В.А., дэпутаты Палаты прадстаўнікоў, прадстаўнікі
зацікаўленых дзяржаўных органаў.
У ходзе нарады была абмеркавана прапанова Савета Рэспублікі Нацыянальнага сходу Рэспублікі Беларусь, што тычыцца заканадаўчых абмежаванняў на размяшчэнне месцаў пахавання ў водаахоўных зонах.
Адбыўся абмен думкамі па гэтаму пытанню. Прадстаўнікі
міністэрстваў аховы здароўя, жыллёва-камунальнай гаспадаркі, прыродных рэсурсаў
і аховы навакольнага асяроддзя выказаліся за захаванне існуючых абмежаванняў
пры размяшчэнні месцаў пахавання. Таксама было адзначана, што ўстанаўленне
межаў водаахоўных зон і прыбярэжных палос, зацвярджэнне праектаў водаахоўных
зон і прыбярэжных палос адносіцца да кампетэнцыі мясцовых выканаўчых і
распарадчых органаў.
У ходзе абмеркавання ўдзельнікі нарады прыйшлі да выніку,
што пытанне павелічэння тэрыторый існуючых месцаў пахавання можа быць вырашана
на мясцовым узроўні і ўнясенне змяненняў у Водны кодэкс Рэспублікі Беларусь не
патрабуецца. Акрамя таго, гэта пытанне павінна разглядацца толькі пры наяўнасці
навукова абгрунтаванага пацверджання бяспекі павелічэння тэрыторый існуючых
месцаў пахавання, а таксама прапрацоўкі пытання наяўнасці іншых зямель,
прыдатных для будаўніцтва і абслугоўвання новых месцаў пахавання.