Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
14 снежня 2021 года адбылося пасяджэнне Пастаяннай камісіі Палаты прадстаўнікоў па адукацыі, культуры і навуцы. Вяла пасяджэнне намеснік старшыні камісіі Л.В.Кір’як.
У мерапрыемстве прынялі ўдзел прадстаўнікі Дэпартамента па архівах і справаводстве Міністэрства юстыцыі і Нацыянальнага цэнтра заканадаўства і прававых даследаванняў.
На пасяджэнні разглядалася пытанне аб праекце Закона «Аб змяненні Закона Рэспублікі Беларусь «Об архивном деле и делопроизводстве в Республике Беларусь», які 26 лістапада 2021 года ўнесены ў Палату прадстаўнікоў Саветам Міністраў. Дакумент распрацаваны Дэпартаментам па архівах і справаводстве Міністэрства юстыцыі і накіраваны на рацыяналізацыю працэсу дакументазвароту і мінімізацыю рызыкаў страты інфармацыі.
Аб выніках папярэдняга разгляду праекта Закона ў Палаце прадстаўнікоў праінфармавала Л.В.Кір’як. Глава Дэпартамента па архівах і справаводстве Міністэрства юстыцыі В.І.Кураш выступіў з тлумачэннямі асноўных палажэнняў праекта і адказаў на пытанні дэпутатаў.
Пры падвядзенні вынікаў абмеркавання праекта Закона прынята рашэнне аб мэтазгоднасці яго разгляду ў першым чытанні ў аўтарскай рэдакцыі.
Таксама члены камісіі заслухалі інфармацыю Л.В.Кір’як аб ходзе падрыхтоўкі да разгляду ў першым чытанні праекта Закона «Аб змяненні законаў па пытаннях культуры». Як было адзначана, на законапраект атрымана станоўчае заключэнне галоўнага дзяржаўна-прававога ўпраўлення Адміністрацыі Прэзідэнта Рэспублікі Беларусь, што з’явілася падставай для ўключэння праекта Закона ў парадак дня шостай сесіі Палаты прадстаўнікоў.