14 снежня 2021 года адбылося пасяджэнне Пастаяннай камісіі Палаты прадстаўнікоў па заканадаўстве.

На пасяджэнні, якое вяла старшыня Пастаяннай камісіі Любецкая С.А., дэпутаты абмеркавалі ход падрыхтоўкі да разгляду ў першым чытанні праекта Закона Рэспублікі Беларусь «Аб змяненні кодэксаў».

Праект Закона Рэспублікі Беларусь «Аб змяненні кодэксаў», які прадугледжвае ўнясенне змяненняў у Грамадзянскі, Банкаўскі і Працоўны кодэксы Рэспублікі Беларусь, дапрацаваны з улікам заўваг, выказаных экспертнай радай пры Савеце Рэспублікі Нацыянальнага сходу Рэспублікі Беларусь сёмага склікання. Дапрацаваны праект Закона ўзгоднены Саветам Міністраў Рэспублікі Беларусь для разгляду ў першым чытанні; атрымана станоўчае заключэнне Нацыянальнага цэнтра заканадаўства і прававых даследаванняў Рэспублікі Беларусь; па выніках крыміналагічнай экспертыза рызыкі крымінагеннага характару не выяўлены. Акрамя таго, атрымана згода Кіраўніка дзяржавы на разгляд Палатай прадстаўнікоў дапрацаванага законапраекта ў першым чытанні.

У сувязі з гэтым прынята рашэнне рэкамендаваць дэпутатам Палаты прадстаўнікоў прыняць праект Закона Рэспублікі Беларусь «Аб змяненні кодэксаў» у першым чытанні.

Удзельнікі пасяджэння разгледзелі таксама шэраг іншых пытанняў, якія тычацца дзейнасці Пастаяннай камісіі.