Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
14 верасня 2022 года ва ўзаемадзеянні з Дзяржаўным пагранічным камітэтам на базе дзяржаўнай установы адукацыі «Інстытут пагранічнай службы Рэспублікі Беларусь» адбылося выязное пашыранае пасяджэнне Пастаяннай камісіі Палаты прадстаўнікоў па нацыянальнай бяспецы.
У пасяджэнні прынялі ўдзел начальнік ДУА «Інстытут пагранічнай службы Рэспублікі Беларусь» генерал-маёр Жылінскі С.В., начальнік юрыдычнага ўпраўлення Дзяржаўнага пагранічнага камітэта палкоўнік Куксаў А.А., намеснік начальніка 1-га галоўнага ўпраўлення Дзяржаўнага пагранічнага камітэта палкоўнік Мельнічэнка У.У., начальнік аддзела 2-га галоўнага ўпраўлення Дзяржаўнага пагранічнага камітэта палкоўнік Чаргінец В.М., іншыя службовыя асобы названай установы адукацыі.
У ходзе пасяджэння былі разгледжаны пытанні, звязаныя з
практыкай прымянення законаў па пытаннях забеспячэння пагранічнай бяспекі, прапановы
па іх удасканаленню, навацыі ў Закон Рэспублікі Беларусь
«Аб Дзяржаўнай граніцы Рэспублікі Беларусь», карэкціроўка якога прадугледжана
артыкулам 3 праекта Закона Рэспублікі Беларусь
«Аб змяненні законаў па пытанням апрацоўкі персанальных даных». Падрыхтоўкай
названага законапраекта да разгляду Палатай прадстаўнікоў у другім чытанні
займаецца Пастаянная камісія Палаты прадстаўнікоў па нацыянальнай бяспецы.
Акрамя таго, дэпутаты азнаёміліся з дзейнасцю ДУА «Інстытут пагранічнай службы Рэспублікі Беларусь», яго матэрыяльна-тэхнічнай базай, наведалі музей гісторыі органаў пагранічнай службы Рэспублікі Беларусь, створаны інстытутам.
Гэтае мерапрыемства садзейнічала павышэнню ўзроўню
супрацоўніцтва парламентарыяў і Дзяржаўнага пагранічнага камітэта па
ўдасканаленню заканадаўчай базы, якая рэгулюе пытанні забеспячэння пагранічнай
бяспекі, якасці падрыхтоўкі законапраектаў у гэтай сферы.