15 лютага 2021 года адбылася анлайн-сустрэча старшыні Пастаяннай камісіі Палаты прадстаўнікоў па міжнародных справах, кіраўніка дэлегацыі Нацыянальнага сходу Рэспублікі Беларусь у ПА АБСЕ Савіных А.У. з дэпутатам Бундэстага Федэратыўнай Рэспублікі Германія, Спецыяльным прадстаўніком ПА АБСЕ па Усходняй Еўропе Даніэлай дэ Рыдэр.

А.У.Савіных праінфармаваў Спецыяльнага прадстаўніка ПА АБСЕ аб бягучай унутрыпалітычнай сітуацыі ў Рэспубліцы Беларусь, а таксама аб выніках нядаўна мінулага VI Усебеларускага народнага сходу. Пры гэтым ён звярнуў увагу на асноўныя механізмы і тэрміны рэалізацыі прынятых на ім рашэнняў, якія тычацца распрацоўкі ў 2021 годзе прапаноў па змяненні Канстытуцыі Рэспублікі Беларусь з наступным вынясеннем іх на ўсенароднае абмеркаванне і рэспубліканскі рэферэндум.

Даніэла дэ Рыдэр у сваю чаргу акрэсліла сферу сваіх паўнамоцтваў на пасадзе Спецпрадстаўніка і выказала надзею на больш хуткую стабілізацыю палітычнай абстаноўкі ў Беларусі.

Бакі дамовіліся працягнуць абмеркаванне дадзеных пытанняў у далейшым.

У сустрэчы таксама прыняў удзел Генеральны сакратар ПА АБСЕ Раберта Мантэла.