Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
18 лютага 2021 года пад старшынствам А.П.Каляснёвай адбылося пасяджэнне Пастаяннай камісіі Палаты прадстаўнікоў па адукацыі, культуры і навуцы.
На пасяджэнні разглядалася пытанне «Аб асобных аспектах заканадаўчага рэгулявання прафесійнай адукацыі ў праекце Закона Рэспублікі Беларусь «Аб змяненні Кодэкса Рэспублікі Беларусь аб адукацыі».
У пасяджэнні акрамя дэпутатаў Пастаяннай камісіі па адукацыі, культуры і навуцы прынялі ўдзел дэпутаты Бегеба В.К., Крэч В.З., Сонгін А.Г., а таксама адказныя работнікі галоўнага ўпраўлення прафесійнай адукацыі і юрыдычнага аддзела Міністэрства адукацыі Рэспублікі Беларусь.
Начальнік галоўнага ўпраўлення прафесійнай адукацыі Міністэрства адукацыі Каспяровіч С.А. прадставіў асноўныя змены ў праекце новай рэдакцыі Кодэкса аб адукацыі, якія датычацца ўзроўняў прафесійна-тэхнічнай, сярэдняй спецыяльнай, вышэйшай, а таксама дадатковай адукацыі дарослых. Ён адзначыў, што гэтыя новаўвядзенні будуць спрыяць развіццю адукацыйных узроўняў, закліканых займацца падрыхтоўкай грамадзян да іх запатрабаванасці ў народна-гаспадарчым комплексе, ва ўсіх сферах жыццядзейнасці грамадства.
У ходзе дыскусіі падымаліся пытанні аптымізацыі сістэмы прафесійнай адукацыі, акрэдытацыі ўстаноў адукацыі, новых формаў іх узаемадзеяння, атэстацыі навучэнцаў, абноўленай структуры вышэйшай адукацыі, працаўладкавання, размеркавання і накіравання на працу выпускнікоў і шэраг іншых пытанняў.
Дасягнута дамоўленасць аб тым, што ўзнятыя ў ходзе пасяджэння пытанні будуць дэталёва прапрацаваны ў адпаведных структурных падраздзяленнях Міністэрства адукацыі і затым вынесены на разгляд рабочай групы па дапрацоўцы законапраекта.