18—19 сакавіка 2019 года дэпутат Палаты прадстаўнікоў Літвін С. І. у рамках работы ў акрузе правёў прыёмы грамадзян у Скідзельскім гарадскім выканаўчым камітэце, Гродзенскім, Бераставіцкім, Свіслацкім райвыканкамах.

Звароты грамадзян тычыліся атрымання статусу «Ветэран Вялікай Айчыннай вайны», будаўніцтва спартыўнага комплексу для гульнявых відаў спорту ў г. Скідзелі, спілоўкі аварыйна-небяспечных дрэў на тэрыторыі населеных пунктаў, змены раскладу руху маршрутных аўтобусаў у аг. Корнаць Свіслацкага раёна, рамонту дарог.

Парламентарый выступіў перад навучэнцамі ліцэя і школ г. Скідзель. Сустрэчы праходзілі ў рамках дзейнасці «Школы актыўнага грамадзяніна»: размова з моладдзю была прысвечана 25-годдзю Канстытуцыі Рэспублікі Беларусь і заканатворчай дзейнасці Парламента. Сяргей Іванавіч таксама павіншаваў навучэнцаў школ, якія дасягнулі 14-ці гадоў, з уручэннем пашпартоў у Дзень Канстытуцыі Рэспублікі Беларусь у рамках усебеларускай акцыі «Мы — грамадзяне Беларусі!».

21 сакавіка Сяргей Іванавіч узяў удзел у сходзе ўпаўнаважаных вуліц і дамоў г.Скідзель, на якім сумесна з прадстаўнікамі мясцовых выканкамаў і актывам вуліц былі абмеркаваны праблемы і перспектывы далейшага развіцця горада-спадарожніка.

У ходзе работы ў акрузе ў сакавіку вырашана пытанне з аднаўленнем дзейнасці гандлёвых аб'ектаў у вёсках Ціхаволя і Гарнастаевічы Свіслацкага раёна. Пачалося аднаўленне дарогі па маршруце руху п. Берагавы —аг.Верцялішки Гродзенскага раёна.