19 жніўня 2022 года пад старшынствам Г.Б.Давыдзькі адбылося пасяджэнне Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі.

Дэпутаты разгледзелі пытанне аб праекце Закона Рэспублікі Беларусь «Аб дэнансацыі Рэспублікай Беларусь Факультатыўнага пратакола да Міжнароднага пакта аб грамадзянскіх і палітычных правах», унесеным 5 жніўня 2022 года ў Палату прадстаўнікоў Саветам Міністраў Рэспублікі Беларусь.

Дакумент прадставіў намеснік Міністра замежных спраў Рэспублікі Беларусь Назарук І.В. Праектам Закона прадугледжваецца спыненне ўдзелу Рэспублікі Беларусь у Факультатыўным пратаколе да Міжнароднага пакта аб грамадзянскіх і палітычных правах ад 16 снежня 1966 года. Сярод прычын такога кроку адвольнае пашырэнне паўнамоцтваў Камітэта па правах чалавека, якое стварае дадатковыя неабгрунтаваныя абавязацельствы для дзяржавы, якія ёй не прымаліся пры далучэнні да гэтага акта. Пры гэтым Беларусь захоўвае свой удзел у Міжнародным пакце аб грамадзянскіх і палітычных правах.

Намеснік старшыні Пастаяннай камісіі Ражанец В.В. і член Пастаяннай камісіі Васілевіч М.В. далажылі аб ходзе работы над праектам Закона «Аб змяненні законаў» (па пытаннях увядзення біяметрычных дакументаў) (першае чытанне) і распрацоўцы законапраекта аб адказным абыходжанні з жывёламі. 

Парламентарыямі таксама былі разгледжаны іншыя пытанні дзейнасці камісіі і прыняты адпаведныя рашэнні.