Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
19 жніўня 2021 года пад старшынствам Л.І.Ніжэвіч адбылося пашыранае пасяджэнне Пастаяннай камісіі Палаты прадстаўнікоў па бюджэце і фінансах.
У пасяджэнні прынялі ўдзел
старшыня Пастаяннай камісіі Савета Рэспублікі Нацыянальнага сходу Рэспублікі
Беларусь па эканоміцы, бюджэце і фінансах Рунец Т.А., намеснік Міністра
фінансаў Рэспублікі Беларусь Тарасевіч В.А., спецыялісты Міністэрства фінансаў,
работнікі сакратарыятаў Палаты прадстаўнікоў і Савета Рэспублікі Нацыянальнага
сходу Рэспублікі Беларусь.
Прадстаўляючы праект Закона Рэспублікі Беларусь «Аб змяненні законаў па пытаннях рынку каштоўных папер» Тарасевіч В.А. адзначыла, што ён будзе дапамагаць якаснаму і сістэмнаму рэгуляванню пытанняў, звязаных з функцыянаваннем рынку каштоўных папер, а таксама актывізацыі і развіццю дзейнасці ў дадзеным сегменце фінансавага рынку як інструмента прыцягнення інвестыцый.
Асноўныя змяненні, якія прапануюцца законапраектам, прадугледжваюць:
спрашчэнне парадку эмісіі каштоўных папер, у тым ліку шляхам скарачэння пераліку эмісійных дакументаў, якія прадстаўляюцца для дзяржаўнай рэгістрацыі каштоўных папер;
удасканальванне парадку ажыццяўлення прафесійнай дзейнасці па каштоўных паперах у частцы ўвядзення сістэмы ўнутранага ўліку і кіравання рызыкамі, а таксама пашырэнне круга ўдзельнікаў таргоў на фондавай біржы;
упарадкаванне працэсаў эмісіі і звароту каштоўных папер эмітэнтаў-нерэзідэнтаў на тэрыторыі Рэспублікі Беларусь, у тым ліку даванне ім права ажыццяўляць эмісію каштоўных папер у адпаведнасці з заканадаўствам па рашэнні Урада;
рэалізацыю ў нацыянальным заканадаўстве міжнародных стандартаў у вобласці рэгулявання рынку каштоўных папер з улікам патрабаванняў міжнароднай арганізацыі камісій па каштоўных паперах, стандартаў групы распрацоўкі фінансавых мер барацьбы з адмываннем грошаў, а таксама прадугледжаных планам мерапрыемстваў па гарманізацыі заканадаўства дзяржаў – членаў Еўразійскага эканамічнага саюза ў сферы фінансавага рынку.
Дэпутатамі зададзены шэраг пытанняў, якія дакранаюцца раздзяленняў функцый кантролю Міністэрства фінансаў, распрацоўкі праграмнага забеспячэння адміністрацыйных працэдур, звязаных з абаротам каштоўных папер, асаблівасцей эмісіі структурных аблігацый, функцыянавання і перспектыў развіцця фондавага рынку.
Прынята рашэнне аб вынясенні законапраекта на разгляд шостай сесіі Палаты прадстаўнікоў.
Акрамя таго, разгледжаны законапраекты, якія паступілі з другіх пастаянных камісій, і прыняты адпаведныя рашэнні.