20 лістапада 2020 года старшыня Пастаяннай камісіі Палаты прадстаўнікоў па міжнародных справах, кіраўнік дэлегацыі Нацыянальнага сходу Рэспублікі Беларусь у ПА АБСЕ Савіных А.У. прыняў удзел у онлайн-канферэнцыі на тэму «30-годдзе Парыжскай хартыі: парламенцкая перспектыва».

Падчас мерапрыемства была прааналізавана шматгадовая дзейнасць Парламенцкай асамблеі па падтрымцы АБСЕ з моманту яе стварэння. Дакладчыкі, эксперты і заканадаўцы з краін АБСЕ абмяняліся меркаваннямі пра тэндэнцыі ў галіне еўрапейскай бяспекі ў рэгіёне АБСЕ. Асаблівая ўвага была нададзена механізмам гарантыі бяспекі для ўсіх у роўнай ступені. Удзельнікі канферэнцыі акцэнтавалі ўвагу на намаганнях па павышэнні ролі АБСЕ як рэгіянальнай арганізацыі і эфектыўнасці яе працы.