Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
21 лютага 2022 года адбылася сустрэча намесніка Старшыні Палаты прадстаўнікоў Нацыянальнага сходу Рэспублікі Беларусь Міцкевіча В.В. з дэлегацыяй зоны спецыяльнага развіцця «Марыэль» на чале з генеральным дырэктарам, дэпутатам Нацыянальнай асамблеі народнай улады Рэспублікі Куба Анай Тэрэсай Ігарса.
В.В.Міцкевіч зазначыў, што расцэньвае гэтую сустрэчу як развіццё дыялогу, праведзенага з кіраўніцтвам кубінскага Парламента, Урада, а таксама падчас наведвання зоны спецыяльнага развіцця «Марыэль» у рамках яго нядаўняга афіцыйнага візіту на Кубу.
«У нашых краін вельмі добрыя палітычныя кантакты, па нарастаючай развіваюцца парламенцкія адносіны. Але, вядома, аснова ўсяму — эканоміка. І мы павінны нарошчваць эканамічныя сувязі, узаемныя пастаўкі прадукцыі, вытворчасць. І сёння — гэта асноўная тэма нашай размовы», — сказаў ён.
Паводле слоў намесніка Старшыні Палаты прадстаўнікоў, кропак росту дастаткова. У планах на бліжэйшую перспектыву — весці перамовы па арганізацыі сумесных вытворчасцей як у свабоднай эканамічнай зоне «Марыэль», так і на тэрыторыі Беларусі, у прыватнасці, на тэрыторыі індустрыяльнага парку «Вялікі камень».
В.В.Міцкевіч таксама звярнуў увагу, што ў рамках свайго ўдзелу ў XXXVI Генеральнай асамблеі Лацінаамерыканскага парламента ён выступіў з дакладам аб кантактах з Лацінаамерыканскім парламентам у першы дзень асамблеі. Даклад быў успрыняты з вялікай увагай і выклікаў шырокі водгук сярод лацінаамерыканскіх парламентарыяў.
«Пасля выступлення многія падыходзілі і дзякавалі за
выказванне пазіцыі Рэспублікі Беларусь па шматлікіх тэмах, у тым ліку па тэмах
міру і садзейнічанні міру з боку парламентаў, парламентарыяў усяго свету. І мы,
вядома, казалі аб сваёй ролі. Практычна ўсе краіны Лацінскай Амерыкі цікавяцца
эканамічнымі кантактамі з Рэспублікай Беларусь», — падкрэсліў ён.