22.07.2019

22 ліпеня 2019 года пад старшынствам Т.Р.Якубовіч адбылося пасяджэнне рабочай групы Пастаяннай камісіі Палаты прадстаўнікоў па адукацыі, культуры і навуцы па праекту Закона Рэспублікі Беларусь «Аб змяненні законаў», які прадугледжвае комплексную карэкціроўку заканадаўства ў сферы інтэлектуальнай уласнасці.

У пасяджэнні прынялі ўдзел прадстаўнікі Вярхоўнага Суда Рэспублікі Беларусь, Нацыянальнага цэнтра заканадаўства і прававых даследаванняў Рэспублікі Беларусь, Нацыянальнага цэнтра інтэлектуальнай уласнасці.


Членамі рабочай групы былі разгледжаны пытанні, якія тычацца тэрмінаў унясення інфармацыі ў Дзяржаўны рэестр геаграфічных указанняў Рэспублікі Беларусь, карэкціроўкі некаторых заканадаўчых актаў у частцы прававой аховы геаграфічных указанняў і вызначэння аб’ектаў абкладання патэнтавымі пошлінамі.

Работа над законапраектам будзе прадоўжана.


 


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць