Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
23 лютага 2022 года пад старшынствам Л.Э.Макарынай-Кібак адбылося чарговае пасяджэнне Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы.
На пасяджэнні парламентарыі абмеркавалі ход падрыхтоўкі законапраектаў, якія знаходзяцца ў камісіі, да разгляду на восьмай сесіі Палаты прадстаўнікоў сёмага склікання.
У прыватнасці, намеснік старшыні камісіі Шыпула А.В., праінфармаваў прысутных аб рабоце, што была праведзена па падрыхтоўцы да разгляду ў другім чытанні праекта Закона Рэспублікі Беларусь «Аб змяненні Закона Рэспублікі Беларусь «Аб аказанні псіхалагічнай дапамогі», у тым ліку аб выніках яго ўзгаднення з Саветам Міністраў Рэспублікі Беларусь. Па выніках абмеркавання камісія прыняла рашэнне ў адпаведнасці з часткай другой артыкула 51 Закона Рэспублікі Беларусь «Аб Нацыянальным сходзе Рэспублікі Беларусь» накіраваць праект Закона Рэспублікі Беларусь «Аб змяненні Закона Рэспублікі Беларусь «Аб аказанні псіхалагічнай дапамогі» Прэзідэнту Рэспублікі Беларусь як канчаткова падрыхтаваны для разгляду Палатай прадстаўнікоў у другім чытанні.
Акрамя таго, дэпутаты разгледзелі законапраекты, якія паступілі з пастаянных камісій Палаты прадстаўнікоў, іншыя пытанні, што тычацца дзейнасці камісіі, і прынялі адпаведныя рашэнні.