Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
24 чэрвеня 2021 г. старшыня Пастаяннай камісіі Палаты прадстаўнікоў па міжнародных справах, кіраўнік дэлегацыі Нацыянальнага сходу Рэспублікі Беларусь у ПА АБСЕ Савіных А.У. прыняў удзел у Каардынацыйнай сустрэчы кіраўнікоў парламенцкіх дэлегацый дзяржаў — членаў АДКБ у Парламенцкай асамблеі АБСЕ у фармаце відэаканферэнцыі.
Падчас пасяджэння бакі абмеркавалі пытанні каардынацыі дзеянняў і ўзгаднення пазіцый парламенцкіх дэлегацый на маючай адбыцца 29-й штогадовай сесіі ПА АБСЕ, якая пройдзе ў змешаным фармаце 30 чэрвеня — 6 ліпеня 2021 г.
Таксама былі разгледжаны прапановы па паслядоўным працягу парламенцкага дыялогу ПА АДКБ з ПА АБСЕ, па ўключэнні ў парадак дня ПА АБСЕ ў 2022 годзе рэзалюцый па пытаннях, звязаных з процідзеяннем адраджэнню нацызму і абаронай гістарычнай праўды ў сучасным свеце, па ўзаемадзеянні дэлегацый ПА АДКБ з прадстаўнікамі маніторынгавых груп АБСЕ падчас міжнароднага назірання за электаральнымі працэсамі ў дзяржавах — членах АДКБ.
Удзельнікам сустрэчы былі прадстаўлены вынікі дзейнасці Камісіі Дзяржаўнай Думы Федэральнага Сходу Расійскай Федэрацыі па расследаванні фактаў ўмяшання замежных дзяржаў ва ўнутраныя справы Расіі, а таксама асветлены бягучыя фактары і тэндэнцыі еўразійскай дугі нестабільнасці і іх уплыў на становішча ў зоне адказнасці АДКБ.
А.У.Савіных звярнуў увагу членаў дэлегацый на неабходнасць прасоўвання і падтрымкі шырокага дыялогу міжрэгіянальных арганізацый у мэтах нейтралізацыі негатыўных тэндэнцый, звязаных з дэстабілізацыяй унутрыпалітычнай сітуацыі ў краінах АДКБ.
У сустрэчы прынялі ўдзел члены парламенцкіх дэлегацый Арменіі, Казахстана, Кыргызстана, Расіі і Таджыкістана, а таксама кіраўніцтва Сакратарыята па АДКБ.