Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
24 сакавіка 2020 года пад старшынствам А.У.Савіных адбылося чарговае пасяджэнне Пастаяннай камісіі Палаты прадстаўнікоў па міжнародных справах.
У пасяджэнні камісіі прынялі ўдзел намеснік Міністра замежных спраў Рэспублікі Беларусь Шастакоў Я.А., начальнік Дэпартамента па грамадзянстве і міграцыі Міністэрства ўнутраных спраў Рэспублікі Беларусь Бягун А.Ю.
Дэпутаты разгледзелі праекты законаў Рэспублікі Беларусь «Аб ратыфікацыі Пагаднення паміж Рэспублікай Беларусь і Еўрапейскім саюзам аб рэадмісіі асоб, якія знаходзяцца без дазволу», «Аб ратыфікацыі Пагаднення паміж Рэспублікай Беларусь і Еўрапейскім саюзам аб спрашчэнні выдачы віз» і «Аб ратыфікацыі Пратакола да Пагаднення паміж Урадам Рэспублікі Беларусь і Урадам Рэспублікі Куба аб узаемных пастаўках ад 24 чэрвеня 2014 года».
Па выніках абмеркавання прынята рашэнне рэкамендаваць Палаце прадстаўнікоў Нацыянальнага сходу Рэспублікі Беларусь сёмага склікання ўключыць названыя законапраекты ў парадак дня другой сесіі Палаты прадстаўнікоў і прыняць іх.
Акрамя таго, на пасяджэнні камісіі былі разгледжаны і іншыя пытанні, звязаныя з развіццём міжнароднага супрацоўніцтва.