24 жніўня 2020 года пад кіраўніцтвам старшыні Пастаяннай камісіі Палаты прадстаўнікоў па заканадаўстве Любецкай С.А. адбылося яшчэ адно пасяджэнне рабочай групы па праекце Кодэкса Рэспублікі Беларусь аб адміністрацыйных правапарушэннях.

У пасяджэнні прынялі ўдзел прадстаўнікі Дзяржаўнага пагранічнага камітэта Рэспублікі Беларусь, Дзяржаўнага мытнага камітэта Рэспублікі Беларусь, Дзяржаўнага камітэта па маёмасці Рэспублікі Беларусь, Нацыянальнага статыстычнага камітэта Рэспублікі Беларусь, Міністэрства сувязі і інфарматызацыі Рэспублікі Беларусь, а таксама прадстаўнікі ўстаноў адукацыі «Беларускі дзяржаўны універсітэт» і «Беларускі дзяржаўны эканамічны універсітэт», спецыялісты Нацыянальнага цэнтра заканадаўства і прававых даследаванняў Рэспублікі Беларусь, работнікі Сакратарыята Палаты прадстаўнікоў.

Удзельнікі пасяджэння абмеркавалі заўвагі і прапановы, выказаныя адпаведнымі дзяржаўнымі органамі па асобных палажэннях Агульнай часткі праекта Кодэкса Рэспублікі Беларусь аб адміністрацыйных правапарушэннях, у тым ліку аб умовах прыцягнення да адказнасці юрыдычных асоб і індывідуальных прадпрымальнікаў за нявыплату або няпоўную выплату сумы падатку, збору (пошлiны), мытнага плацяжу, аб тэрмінах накладання адміністрацыйнага спагнання за парушэнне заканадаўства аб прававым становішчы замежных грамадзян і асоб без грамадзянства і заканадаўства аб знешняй працоўнай міграцыі, за наўмыснае знішчэнне або пашкоджанне маёмасці.

Работа над законапраектам будзе прадоўжана.