Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
25 — 28 лістапада 2021 года член Пастаяннай камісіі Палаты прадстаўнікоў Нацыянальнага сходу Рэспублікі Беларусь па правах чалавека, нацыянальных адносінах і сродках масавай інфармацыі Васілевіч М.В. прымае ўдзел у 143-й Асамблеі Міжпарламенцкага саюза і звязаных з ёй мерапрыемствах у г. Мадрыдзе (Каралеўства Іспанія).
26 лістапада 2021 года ў рамках Асамблеі адбылося пасяджэнне Савета жанчын-парламентарыяў і Форуму жанчын-парламентарыяў, удзельнікі якога разгледзелі праект рэзалюцыі «Сусветнае заканадаўства па барацьбе з сексуальнай эксплуатацыяй дзяцей у сетцы Інтэрнэт».
У сваім выступленні М.В.Васілевіч падзялілася інфармацыяй аб вопыце Рэспублікі Беларусь у сферы барацьбы з сэксуальнай эксплуатацыяй дзяцей у сетцы Інтэрнэт, шляхах удасканалення заканадаўства па пытаннях узмацнення адказнасці за злачынствы супраць палавой недатыкальнасці непаўналетніх.
Дэпутат праінфармавала ўдзельнікаў пасяджэння, што цяпер у Беларусі вядзецца работа па заканадаўчым узмацненні жорсткасці адказнасці за захоўванне дзіцячай парнаграфіі, скланенне дзяцей да сексуальных дзеянняў праз Інтэрнет.
У ходзе абмеркавання праекта рэзалюцыі «Сусветнае заканадаўства па барацьбе з сексуальнай эксплуатацыяй дзяцей у сетцы Інтэрнэт» М.В.Васілевіч выказала меркаванне, што, улічваючы адсочваную прыроду сексуальных злачынстваў у Інтэрнеце, эфектыўнаму процідзеянню ім будзе садзейнічаць наладжванне міжнароднага супрацоўніцтва праваахоўных органаў, уключаючы абмен інфармацыяй, метадамі па абароне дзяцей у анлайн-асяроддзі.
Дэпутат таксама прапанавала асобна разгледзець пытанне абароны дзяцей з абмежаванымі магчымасцямі з улікам таго, што дзеці-інваліды, асабліва дзяўчынкі, падвяргаючыся дыскрымінацыі або ізаляцыі, нашмат часцей становяцца аб’ектамі псіхалагічнага насілля і сексуальных здзекаў.
Гаворачы аб развіцці інфраструктуры па падтрымцы ахвяр насілля, М.В.Васілевіч прапанавала дапоўніць пералік яе элементаў, уключаных у праект рэзалюцыі (адукацыйныя праграмы, гарачыя лініі, тэлефоны даверу), мабільнымі дадаткамі, якія сёння карыстаюцца большай папулярнасцю ў дзяцей.
Акрамя таго, парламентарый звярнула ўвагу ўдзельнікаў мерапрыемства на неабходнасць скарачэння траўміруючага ўздзеяння на дзіця, якое стала ахвярай сексуальнага насілля, пры расследаванні адпаведных злачынстваў.
Міжпарламенцкі саюз — міжнародная арганізацыя, якая служыць для каардынацыі дзеянняў парламентаў свету. МПС заснаваны ў 1889 годзе. Генеральны сакратар — Марцін Чунгонга. У адпаведнасці са Статутам МПС, членам арганізацыі з’яўляецца парламент суверэннай дзяржавы. Рэспубліка Беларусь з’яўляецца членам МПС з 1995 года. Рабочымі органамі МПС з’яўляюцца Асамблея МПС, Кіруючая рада і Выканаўчы камітэт МПС.