25 чэрвеня 2019 года ў Пастаяннай камісіі Палаты прадстаўнікоў Нацыянальнага сходу Рэспублікі Беларусь па жыллёвай палітыцы і будаўніцтве адбылося чарговае пасяджэнне рабочай групы па дапрацоўцы да другога чытання праекта Закона Рэспублікі Беларусь «Аб змяненні Закона Рэспублікі Беларусь «Аб абароне правоў спажыўцоў жыллёва-камунальных паслуг».

У пасяджэнні, праведзеным пад кіраўніцтвам члена Пастаяннай камісіі Жыбуль Н.П., прынялі ўдзел дэпутаты Палаты прадстаўнікоў, прадстаўнікі Нацыянальнага цэнтра заканадаўства і прававых даследаванняў Рэспублікі Беларусь, Міністэрства жыллёва-камунальнай гаспадаркі Рэспублікі Беларусь, Міністэрства антыманапольнага рэгулявання і гандлю Рэспублікі Беларусь, Міністэрства энергетыкі Рэспублікі Беларусь, а таксама работнікі Сакратарыята Палаты прадстаўнікоў Нацыянальнага сходу Рэспублікі Беларусь.

У ходзе работы былі абмеркаваны заўвагі і прапановы дэпутата Палаты прадстаўнікоў Нацыянальнага сходу Рэспублікі Беларусь Рыбака А.А., а таксама Міністэрства антыманапольнага рэгулявання і гандлю і Міністэрства энергетыкі па пытаннях рэгламентацыі адносін у сферы абароны правоў спажыўцоў жыллёва-камунальных паслуг паміж спажыўцамі, ўпаўнаважанымі асобамі, арганізацыямі уласнікаў і выканаўцамі, іх правоў і абавязкаў, а таксама іншыя заўвагі і прапановы, якія паступілі ад зацікаўленых.

Работа над праектам Закона будзе працягнута.