Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


27.06.2018

26 чэрвеня 2018 года па ініцыятыве Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах на пляцоўцы ЗАТ «Штадлер Мінск» адбыўся круглы стол на тэму «Міжнародна-прававая практыка работы з замежнымі інвестарамі і магчымасці паляпшэння інвестыцыйнай прывабнасці Рэспублікі Беларусь».

У мерапрыемстве ўзялі ўдзел Намеснік Старшыні Палаты прадстаўнікоў Нацыянальнага сходу Рэспублікі Беларусь Пірштук Б.К., дэпутаты Палаты прадстаўнікоў і члены Савета Рэспублікі, прадстаўнікі Міністэрства эканомікі, Міністэрства прамысловасці, Міністэрства замежных спраў Рэспублікі Беларусь, Дзяржаўнага камітэта па маёмасці Рэспублікі Беларусь, бізнес-колаў і суб’ектаў гаспадарання Рэспублікі Беларусь.


Адкрываючы пасяджэнне, старшыня Пастаяннай камісіі Палаты прадстаўнікоў па міжнародных справах Варанецкі В.І. адзначыў, што Рэспубліка Беларусь сёння валодае сур’ёзным інвестыцыйным патэнцыялам. Наша краіна займае 38-е месца ў адпаведнасці з рэйтынгам Сусветнага банка «Doing Business 2018» па ўмовах вядзення бізнесу і прадпрымае сур’ёзныя намаганні для далейшага іх паляпшэння.


У апошні час у рэспубліцы прыняты шэраг заканадаўчых рашэнняў, у тым ліку Дэкрэт Прэзідэнта Рэспублікі Беларусь ад 23 лістапада 2017 г. № 7 «Аб развіцці прадпрымальніцтва», якія сталі асновай для паступальнага ўдасканалення нарматыўна-прававой базы ў гэтай галіне. Актуальнымі на сённяшні дзень у заканатворчай дзейнасці Парламента з’яўляюцца пытанні зніжэння і аптымізацыі мер адміністрацыйнай і крымінальнай адказнасці ў эканамічнай сферы, забеспячэння механізмаў абароны добрасумленных інвестараў, удасканалення карпаратыўнага заканадаўства і заканадаўства ў сферы інвестыцый, актуалізацыі нарматыўнага рэгулявання дзяржаўна-прыватнага партнёрства.

Па прававых аспектах паляпшэння інвестыцыйнага клімату ў Рэспубліцы Беларусь выступілі старшыня Пастаяннай камісіі Палаты прадстаўнікоў па эканамічнай палітыцы Шчэпаў В.А. і намеснік старшыні гэтай Камісіі Сокал А.М.


Удзельнікі пасяджэння азнаёміліся з практычным вопытам работы ЗАТ «Штадлер Мінск», іншымі прыкладамі паспяховага ўкладання замежных інвестыцый у эканоміку Беларусі, абмеркавалі прапановы па павышэнню міжнароднай інвестыцыйнай прывабнасці нашай краіны, а таксама ўдасканаленні заканадаўства Рэспублікі Беларусь у галіне знешнеэканамічнай дзейнасці.


Падводзячы вынікі пасяджэння, Намеснік Старшыні Палаты прадстаўнікоў Пірштук Б.К. адзначыў, што правядзенне круглага ўяўляецца важным складнікам парламенцкай дзейнасці, якая дазваляе пачуць меркаванні і прапановы непасрэдных правапрымяняльнікаў, вывучыць практычныя аспекты працы прынятых прававых рашэнняў, ацаніць іх уплыў на эканамічныя працэсы ў цэлым.


Выказаныя заўвагі і прапановы будуць прадметна прапрацаваны і знойдуць адлюстраванне ў адпаведных рэкамендацыях па выніках гэтага мерапрыемства.


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць