Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
26 кастрычніка 2021 года пад кіраўніцтвам старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па пытаннях экалогіі, прыродакарыстання і чарнобыльскай катастрофы Васількова М.А. адбылося пасяджэнне рабочай групы па падрыхтоўцы да разгляду ў другім чытанні праекта Закона Рэспублікі Беларусь «Аб змяненні законаў па пытаннях жывёльнага свету і бяспекі генна-інжынернай дзейнасці».
У пасяджэнні прынялі ўдзел прадстаўнікі Міністэрства прыродных рэсурсаў і аховы навакольнага асяроддзя, Нацыянальнага цэнтра заканадаўства і прававых даследаванняў, члены Пастаяннай камісіі па пытаннях экалогіі, прыродакарыстання і чарнобыльскай катастрофы, работнікі структурных падраздзяленняў Сакратарыята Палаты прадстаўнікоў.
У ходзе мерапрыемства былі разгледжаны заўвагі і прапановы
дзяржаўных органаў, якія паступілі па законапраекте.
Абмеркаваны прававыя наступствы ў адносінах да ўласнікаў жывёл,
якія трапілі ў пералік відаў дзікіх жывёл, забароненых да ўтрымання і (або)
развядзення, але якія набыты і ўтрымліваюцца ў хатніх умовах да ўступлення ў
сілу адпаведнай забароны.
Выпрацаваны адзіныя падыходы ў выкладанні прававых норм, якія датычацца:
забароны на ўтрыманне ў кватэрах, жылых дамах і на прысядзібных тэрыторыях дзікіх жывёл, пералік якіх будзе вызначацца Міністэрствам прыродных рэсурсаў і аховы навакольнага асяроддзя;
палажэнняў, якія рэгулююць вызваленне ад кампенсацыйных выплат за шкоднае ўздзеянне на аб’екты жывёльнага свету і (або) асяроддзе іх пасялення і шэраг іншых.
Работа над законапраектам будзе прадоўжана.