Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
26 красавіка 2022 года, у дзень 36-й гадавіны аварыі на Чарнобыльскай АЭС, адбылася ўрачыстая цырымонія ўскладання кветак да памятных знакаў «Ахвярам Чарнобыля» і «Камень міру Хірасімы» у парку Дружбы народаў у г. Мінску, у якой прынялі ўдзел дэпутаты Палаты прадстаўнікоў Нацыянальнага сходу Рэспублікі Беларусь Азаранка У.М., Бегеба В.К., Хлабукін І.К., Чарняўская Ж.М.
У мерапрыемстве таксама ўдзельнічалі прадстаўнікі рэспубліканскіх органаў дзяржаўнага кіравання, міністэрстваў, ведамстваў, рэлігійных канфесій, грамадскіх арганізацый і інш.
Парламентарыі аддалі даніну павагі ўдзельнікам ліквідацыі аварыі на Чарнобыльскай атамнай электрастанцыі і ўсім пацярпелым ад найбуйнейшай у свеце тэхнагеннай катастрофы.
26 красавіка 1986 года — Дзень чарнобыльскай трагедыі — заўсёды будзе незагойнай ранай на сэрцах людзей. Яна забрала чалавечыя жыцці, змяніла лёсы мільёнаў людзей, пацягнула за сабой сацыяльна-псіхалагічныя, эканамічныя і іншыя наступствы.
Чарнобыль рэальна паказаў, наколькі далікатны і ранімы навакольны свет, якія ўмоўныя і празрыстыя нацыянальныя і дзяржаўныя бар’еры перад тэхнагеннымі катастрофамі.