Рус Бел En

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75           

Электронная пошта:
inform@house.gov.by

26.01.2021

26 студзеня 2021 года Старшыня Палаты прадстаўнікоў Нацыянальнага сходу Рэспублікі Беларусь Андрэйчанка У.П. прыняў удзел у рабоце абласнога сходу ўдзельнікаў VI Усебеларускага народнага сходу ад Віцебскай вобласці.

На сходзе абмеркаваны пытанні правядзення агульнанацыянальнага форуму, асноўныя палажэнні праекта Праграмы сацыяльна-эканамічнага развіцця Рэспублікі Беларусь на чарговае пяцігоддзе, ключавыя напрамкі сацыяльнай палітыкі ў 2021 — 2025 гадах, вынікі сацыяльна-эканамічнага развіцця Віцебскай вобласці ў 2016 — 2020 гадах і перспектывы развіцця рэгіёну у 2021 — 2025 гадах, а таксама прапановы, выказаныя ў рамках правядзення дыялогавых пляцовак у рэгіёне.

Звяртаючыся да ўдзельнікаў мерапрыемства, Старшыня Палаты прадстаўнікоў адзначыў, што падобныя сустрэчы — вельмі важны канал зваротнай сувязі для ўлады і яе вынікам павінны стаць канкрэтныя прапановы, якія могуць быць унесены ў выніковыя дакументы Усебеларускага народнага сходу.


Гаворачы аб праекце Праграмы сацыяльна-эканамічнага развіцця Рэспублікі Беларусь на 2021 — 2025 гады, У.П.Андрэйчанка выказаў меркаванне, што ў аснове яе палажэнняў павінна заставацца ідэя сацыяльнай справядлівасці, якая заўсёды з’яўлялася адметнай рысай беларускай дзяржавы.

У сваім выступленні У.П.Андрэйчанка расказаў пра найбольш значныя пытанні, пазначаныя на дыялогавых пляцоўках і ў прапановах грамадзян, якія паступілі непасрэдна ў Палату прадстаўнікоў.

Старшыня Палаты прадстаўнікоў адзначыў, што пераважная большасць грамадзян выступаюць за захаванне ўстояных падыходаў да рэалізацыі ўнутранай і знешняй палітыкі пры паступовай лібералізацыі грамадска-палітычнага жыцця (пашырэнне паўнамоцтваў мясцовых органаў улады, выбарнасць судзьзяў, змена выбарчай сістэмы і г.д.) і пашырэнні ўдзелу грамадзян у прыняцці дзяржаўных рашэнняў, у тым ліку за кошт надання якаснага новага статусу Усебеларускаму народнаму сходу.


У.П.Андрэйчанка звярнуў увагу ўдзельнікаў сходу на важнасці і складанасці іх місіі — выпрацаваць на аснове вялізнай разнастайнасці выказаных меркаванняў і прапановаў рашэнні, якія дазваляюць паспяхова рэалізаваць названую вышэй задачу, забяспечыўшы пры гэтым грамадзянскую згоду ў нашай краіне.

Старшыня Палаты прадстаўнікоў заклікаў дэлегатаў Усебеларускага народнага сходу адказна падысці да работы на форуме. Выступленні павінны насіць дзелавой, канкрэтны характар, пазначаць праблемы, сапраўды значныя для розных сацыяльных слаёў і прафесійных супольнасцей і самае галоўнае — прапаноўваць іх рашэнне, — падкрэсліў Старшыня Палаты прадстаўнікоў.


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць