27 красавіка 2021 года пад старшынствам Л.I.Ніжэвіч адбылося пашыранае пасяджэнне Пастаяннай камісіі Палаты прадстаўнікоў па бюджэце і фінансах. У пасяджэнні прынялі ўдзел дэпутат Палаты прадстаўнікоў Хлабукін І.К., намеснік Старшыні Праўлення Нацыянальнага банка Ляднiцкая І.А., спецыялісты Нацыянальнага банка, работнікі сакратарыятаў Палаты прадстаўнікоў і Савета Рэспублікі Нацыянальнага сходу Рэспублікі Беларусь.

Прадстаўляючы праект Закона Рэспублікі Беларусь «Аб змяненні законаў» па пытаннях пакрыцця банкаўскіх укладаў (дэпазітаў) І.А.Ляднiцкая адзначыла, што прапанаваныя законапраектам змены абумоўлены неабходнасцю ўдасканалення прававога рэгулявання адносін у сферы гарантаванай кампенсацыі фізічным асобам грашовых сродкаў, размешчаных імі на рахунках і (або) ва ўклады (дэпазіты) у банках.

Дэпутат Палаты прадстаўнікоў В.М.Васюкоў праінфармаваў прысутных аб праводзімай Пастаяннай камісіяй працы над гэтым дакументам, аб заўвагах і прапановах якія паступілі ў Пастаянную камісію, адзначыўшы, што яны не носяць канцэптуальнага характару і не перашкаджаюць яго разгляду ў аўтарскай рэдакцыі ў першым чытанні.

Удзельнікі пасяджэння задалі шэраг удакладняльных пытанняў, якія тычыліся ўзмацнення прававой абароны ўкладчыкаў, уключаючы фізічных асоб, якія выступаюць у якасці індывідуальных прадпрымальнікаў, а таксама паляпшэння якасці абслугоўвання ўкладчыкаў, ролі дзяржаўнай установы «Агенцтва па гарантаванай кампенсацыі банкаўскіх укладаў (дэпазітаў) фізічных асоб» і іншыя.

Па выніках абмеркавання прынята рашэнне ўнесці законапраект на разгляд пятай сесіі Палаты прадстаўнікоў і рэкамендаваць Палаты прадстаўнікоў прыняць указаны законапраект у першым чытанні.