Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
27 красавіка 2021 года у Палаце прадстаўнікоў адбылася анлайн-сустрэча членаў рабочых груп па супрацоўніцтве парламентаў Рэспублікі Беларусь і Латвійскай Рэспублікі.
Падчас сустрэчы кіраўнік рабочай групы Нацыянальнага сходу Рэспублікі Беларусь па супрацоўніцтве з Парламентам Латвійскай Рэспублікі Старавойтава А.В. адзначыла зацікаўленасць Беларусі ў развіцці добрасуседскіх адносін і ўзаемавыгаднага супрацоўніцтва з Латвіяй па шырокім спектры пытанняў. Выказана гатоўнасць аказваць ўсебаковую падтрымку сумесным праектам.
Беларускія парламентарыі падрабязна праінфармавалі латвійскіх калег аб дынаміцы канстытуцыйнага працэсу і шырокага ўнутрыграмадскага дыялогу, які адбываецца ў Беларусі.
Кіраўнік групы Саэйма Латвійскай Рэспублікі па супрацоўніцтве з Парламентам Рэспублікі Беларусь А.Рубікс падзяліўся падыходамі латвійскага боку да падзей у Беларусі. Была дадзена пазітыўная ацэнка ініцыятыве прааналізаваць і ўлічыць прапановы беларускіх грамадзян па ўнясенні змяненняў у Канстытуцыю Рэспублікі Беларусь. Падкрэслена перакананасць у тым, што народ Беларусі самастойна вызначыць свой шлях развіцця.
Бакі таксама абмяняліся думкамі па пытаннях барацьбы з пандэміяй COVID-19.
Сустрэча прайшла ў канструктыўным і добразычлівым ключы. Пацверджана ўзаемная зацікаўленасць у захаванні дыялогу, больш хуткім вырашэнні праблемных пытанняў і аднаўленні пазітыўнай дынамікі развіцця беларуска-латвійскіх сувязей. Выказана гатоўнасць у далейшым умацаванні парламенцкага ўзаемадзеяння, якое будзе спрыяць развіццю ўсебаковага ўзаемавыгаднага супрацоўніцтва ў духу добрасуседскіх адносін.
У сустрэчы прынялі ўдзел члены рабочых груп па супрацоўніцтве парламентаў Рэспублікі Беларусь і Латвійскай Рэспублікі. З беларускага боку – Чайчыц В.І., Аўтухова Т.А., Белаконеў А.А., Гайдукевіч В.У., Горваль С.А., Свіла В.З., Сільчанок П.М., Шырокая В.У. З латвійскага боку – Я.Адамсанс, Р.Бергманіс, І.Зарыньш, М.Кабанаў, І.Кляменцьеў, Э.Куцынс, Р.Наудзіньш, Л.Швецова.