27 лютага 2019 года Маркевіч І.С., дэпутат Палаты прадстаунікоу, намеснік старшыні Мінскага аблвыканкама прыняу удзел у рабоце выніковай калегіі Галоўнага ўпраўлення ідэалагічнай работы, культуры і па справах моладзі Мінаблвыканкама.

Калегія праходзіла ў Дзяржынску. Сюды сабраліся не толькі кіраўнікі гэтай сферы з усіх куткоў цэнтральнага рэгіёна краіны. Таксама на мерапрыемства прыехалі намеснік кіраўніка Адміністрацыі Прэзідэнта Рэспублікі Беларусь Уладзімір Жаўняк, міністры інфармацыі і культуры Аляксандр Карлюкевіч і Юрый Бондар, кіраўнік Міншчыны Анатоль Ісачанка.

Ідэалагічны актыў сабраўся не толькі для падвядзення вынікаў за 2018 год, але, як адзначыла начальнік Галоўнага ўпраўлення ідэалагічнай работы, культуры і па справах моладзі Мінаблвыканкама Таццяна Хмель, «для таго, каб даць поўную, аб’ектыўную ацэнку сфарміраванай вертыкалі і адказаць на пытанне, ці гатова яна вырашаць пастаўленыя кіраўніцтвам краіны і вобласці задачы па захаванні і развіцці значных дасягненняў».

У рамках калегіі былі ўзнагароджаны лепшыя і падпісана Пагадненне аб супрацоўніцтве паміж Мінскім аблвыканкамам і Белдзяржуніверсітэтам. Гэта дазволіць весці падрыхтоўку прафесійных кадраў спецыяльна для Мінскай вобласці, у тым ліку якія ўмеюць эфектыўна працаваць у інтэрнэце.