Рус Бел En

Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


29.03.2018

29 сакавіка 2018 года пад старшынствам Б.К.Пірштука адбылося пасяджэнне Савета Палаты прадстаўнікоў Нацыянальнага сходу Рэспублікі Беларусь.

Савет Палаты прадстаўнікоў разгледзеў праект парадку дня чацвёртай сесіі і прыняў рашэнне ўнесці яго на зацвярджэнне Палаты прадстаўнікоў.

З 48 пытанняў, якія знаходзяцца ў пастаянных камісіях, цалкам падрыхтаваны і ўключаны ў праект парадку дня 22 пытанні. Дзевяць законапраектаў будуць разгледжаны ў першым чытанні і столькі ж у другім. Акрамя таго, плануецца ратыфікаваць 5 міжнародных дагавораў і прыняць да ведама два дэкрэты Прэзідэнта Рэспублікі Беларусь.

Найбольш значныя праекты законаў накіраваны на пашырэнне выкарыстання ў эканоміцы інфармацыйна-камунікацыйных тэхналогій, паляпшэнне ўмоў вядзення бізнесу, развіццё прадпрымальніцтва і стымуляванне занятасці насельніцтва, абарону правоў спажыўцоў, забеспячэнне нацыянальнай бяспекі, законнасці і правапарадку. У ходзе сесіі парадак дня будзе дапаўняцца.


Прынята рашэнне ў адпаведнасці з артыкулам 95 Канстытуцыі Рэспублікі Беларусь адкрыць чацьвертую сесію Палаты прадстаўнікоў Нацыянальнага сходу Рэспублікі Беларусь шостага склiкання 2 красавіка 2018 года.

Члены Савета таксама пагадзіліся з прапановай Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі аб правядзенні 4 красавіка 2018 года выязнога пасяджэння на базе рэспубліканскага ўнітарнага прадпрыемства «Нацыянальны цэнтр электронных паслуг» (г. Мінск). У рамках мерапрыемства плануецца абмеркаваць праект Закона «Аб унясенні змяненняў і дапаўненняў у Закон Рэспублікі Беларусь «Аб электронным дакументаабароце і электронным лічбавым подпісе».


Акрамя таго, на пасяджэнні Савета Палаты прадстаўнікоў было вырашана запрасіць у Рэспубліку Беларусь з афіцыйным візітам парламенцкую дэлегацыю Дзяржавы Ізраіль і накіраваць з 2 па 3 красавіка 2018 года беларускую парламенцкую дэлегацыю ў г. Маскву для ўдзелу па лініі Парламенцкага Сходу Саюза Беларусі і Расіі ва ўрачыстых мерапрыемствах, прысвечаных Дню яднання народаў Беларусі і Расіі.



Навіны па тэме: Савет Палаты
Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць