3 жніўня 2022 года пад старшынствам І.М.Рынейскай адбылося пасяджэнне Пастаяннай камісіі Палаты прадстаўнікоў па адукацыі, культуры і навуцы.

У пасяджэнні камісіі прынялі ўдзел дэпутаты Палаты прадстаўнікоў Гранкоўскі А.А., Карась Д.М., Хлабукін І.К., прадстаўнікі Міністэрства адукацыі Рэспублікі Беларусь і Міністэрства эканомікі Рэспублікі Беларусь.

У ходзе пасяджэння абмяркоўвалася пытанне аб ліцэнзаванні адукацыйнай дзейнасці ў сувязі з падрыхтоўкай да разгляду ў другім чытанні праекта Закона Рэспублікі Беларусь «Аб ліцэнзаванні».

У прыватнасці, абмяркоўваліся мэтазгоднасць увядзення ліцэнзавання дашкольнай і агульнай сярэдняй адукацыі, праблемы з арганізацыяй адукацыйнага працэсу і правядзення выхаваўчай работы ў некаторых установах адукацыі, пытанні дзяржаўнай акрэдытацыі ў сферы адукацыі, арганізацыйныя пытанні ажыццяўлення працэдуры ліцэнзавання. У ходзе пасяджэння было адзначана, што ліцэнзаванне адукацыйнай дзейнасці выступае гарантам законнасці і якасці адукацыйных паслуг, эфектыўным дысцыплінавальным фактарам, які будзе матываваць кіраўніцтва і заснавальнікаў устаноў адукацыі ствараць дастойныя ўмовы для навучэнцаў, выхоўваць моладзь на прынцыпах дзяржаўнай ідэалогіі, дасць магчымасць не дапусціць з’яўлення ў сферы. адукацыі суб’ектаў гаспадарання, якія маюць асабліва камерцыйныя мэты ў шкоду інтарэсам дзяржавы і асобы.

У выніку абмеркавання Пастаянная камісія па адукацыі, культуры і навуцы прыняла рашэнне аб мэтазгоднасці ўвядзення ліцэнзавання дашкольнай і агульнай сярэдняй адукацыі і выказалася ў падтрымку рэдакцыі главы 31 «Адукацыйная дзейнасць» праекта Закона Рэспублікі Беларусь «Аб ліцэнзаванні».