Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


30.10.2019

30 кастрычніка 2019 года ў Іванаўскім раёне Брэсцкай вобласці адбылося выязное пасяджэнне Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце.

У мерапрыемстве прынялі ўдзел старшыня Брэсцкага абласнога Савета дэпутатаў Наркевіч Ю.І., старшыня Іванаўскага раённага выканаўчага камітэта Ткачук А.У., намеснік старшыні Іванаўскага раённага Савета дэпутатаў Канапацкі В.С., старшыні сельскіх Саветаў дэпутатаў, а таксама старшыня Пастаяннай камісіі Палаты прадстаўнікоў па жыллёвай палітыцы і будаўніцтве Дарагакупец Ю.І., член Пастаяннай камісіі Палаты прадстаўнікоў па эканамічнай палітыцы Качына Л. І., член Пастаяннай камісіі Палаты прадстаўнікоў па адукацыі, культуры і навуцы Колб І.М., іншыя зацікаўленыя.

На пасяджэнні разглядаліся пытанні павышэння ролі мясцовых органаў кіравання і самакіравання. Удзельнікі пасяджэння змаглі азнаёміцца з работай, якую праводзяць Іванаўскі раённы і Мохраўскі сельскі саветы дэпутатаў па падтрымцы і развіццю ініцыятыў грамадзян. У ходзе мерапрыемства былі таксама наведаны ААТ «Белсолад», вытворчыя аб’екты ААТ «Аграмоталь» і шэраг іншых.

У Мотальскім сельскім Савеце дэпутатаў члены Пастаяннай камісіі абмеркавалі ініцыятывы Савета па прыцягненні фінансавых сродкаў для вырашэння пытанняў жыццезабеспячэння грамадзян, стварэння спрыяльных умоў для пражывання насельніцтва ў сельскай мясцовасці.

Акрамя таго, удзельнікі мерапрыемства пабывалі ў дзяржаўнай установе культуры «Раённы музейны комплекс» імя Напалеона Орды».

Падводзячы вынікі пасяджэння, старшыня Пастаяннай камісіі Палаты прадстаўнікоў па дзяржаўным будаўніцтве, мясцовым самакіраванні і рэгламенце Цупрык Л.А. адзначыў, што высокі ўзровень узаемадзеяння органаў мясцовага кіравання і самакіравання спрыяе павышэнню эфектыўнай дзейнасці органаў мясцовай улады, неабходна больш надаваць увагі праблемам, якія хвалююць насельніцтва, шырэй далучаць грамадзян да вырашэння паўсядзённых пытанняў.


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць