Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


30.07.2018

30 ліпеня 2018 года ў Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы адбылося пасяджэнне рабочай групы па распрацоўцы праекта Закона Рэспублікі Беларусь «Аб асабліва ахоўваемых прыродных тэрыторыях».

У пасяджэнні, якое вяла старшыня Пастаяннай камісіі Кананчук Т.П., прынялі ўдзел намеснік старшыні Пастаяннай камісіі Васількоў М.А., член Пастаяннай камісіі Улаховіч М.Д, намеснік начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Рэспублікі Беларусь Кузьміч А.М., начальнік упраўлення аналізу і кантролю за аховай і выкарыстаннем аб’ектаў жывёльнага і расліннага свету Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Драгун А.М., начальнік аддзела кантролю за аховай і выкарыстаннем аб’ектаў расліннага свету, зямель Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Торчык Д.І. і загадчык аддзела па падрыхтоўцы законапраектаў і ўзаемадзеянні з Пастаяннай камісіяй Мацукевіч М.П.

На пасяджэнні былі разгледжаны заўвагі і прапановы, якія паступілі з Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь. У прыватнасці, разгледжаны заўвагі і прапановы, якія тычацца:

рэжыму аховы і выкарыстання заказнікаў у частцы ўвядзення абмежавання на правядзенне палосна-паступовых высечак галоўнага карыстання на ўсёй тэрыторыі заказнікаў;

парадку правядзення экалагічнай асветы (у тым ліку шляхам правядзення навукова-пазнавальных і навучальных экскурсій па маршрутах (экалагічных сцежках), вызначаных планам кіравання запаведнікам, нацыянальным паркам, заказнікам.

На пасяджэнні рабочай групы разгледжаны і шэраг другіх пытанняў.

Па разгледжаных пытаннях выпрацаваны канкрэтныя рашэнні, якія будуць вынесены на разгляд Пастаяннай камісіі.

Работа над законапраектам будзе прадоўжана на чарговым пасяджэнні рабочай групы.

Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць