Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
30 ліпеня 2020 года пад кіраўніцтвам старшыні Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі Камароўскага І.С. адбылася рабочая нарада па праекце Закона Рэспублікі Беларусь «Аб змяненні Закона Рэспублікі Беларусь «Аб дарожным руху».
У пасяджэнні прынялі ўдзел прадстаўнікі Нацыянальнага цэнтра заканадаўства і прававых даследаванняў, міністэрстваў аховы здароўя, унутраных спраў, транспарту і камунікацый, сельскай гаспадаркі і харчавання, а таксама работнікі Сакратарыята Палаты прадстаўнікоў.
Галоўнай тэмай абмеркавання стала медыцынскае забеспячэнне бяспекі дарожнага руху. У прыватнасці, былі закрануты пытанні, якія датычацца:
эфектыўнасці дзеючай сістэмы абавязковага медыцынскага агляду кандыдатаў у вадзіцелі і абавязковага медыцынскага пераагляду вадзіцеляў механічных транспартных сродкаў і самаходных машын;
прабелаў у заканадаўчым рэгуляванні медыцынскага забеспячэння бяспекі дарожнага руху;
уліку выдадзеных медыцынскіх даведак аб прыдатнасці да кіравання механічнымі транспартнымі сродкамі, самаходнымі машынамі, а таксама аб асобах, у якіх выяўлены станы і захворванні, што перашкаджаюць кіраванню механічнымі транспартнымі сродкамі, самаходнымі машынамі, з дапамогай інфармацыйных сістэм;
парадку датэрміновага накіравання вадзіцеляў механічных транспартных сродкаў, самаходных машын на абавязковы медыцынскі пераагляд.
Па выніках абмеркавання ўдзельнікі нарады прыйшлі да вываду аб неабходнасці дадатковай сумеснай прапрацоўкі палажэнняў законапраекта зацікаўленымі дзяржаўнымі органамі і арганізацыямі. Работа, накіраваная на ўдасканальванне норм прадстаўленага законапраекта, будзе прадоўжана ў бліжэйшы час.