30 лістапада 2021 года ў Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы адбылося пасяджэнне рабочай групы па падрыхтоўцы да разгляду праекта Закона Рэспублікі Беларусь «Аб змяненні законаў па пытаннях аховы навакольнага асяроддзя і прыродакарыстання».

У пасяджэнні, якое прайшло пад кіраўніцтвам Васількова М.А., прынялі ўдзел дэпутаты-члены Пастаяннай камісіі, прадстаўнікі Міністэрства прыродных рэсурсаў і аховы навакольнага асяроддзя, дзяржаўнай установы «Адміністрацыя Кітайска-Беларускага індустрыяльнага парку «Вялікі камень», Нацыянальнага цэнтра заканадаўства і прававых даследаванняў, Сакратарыята Палаты прадстаўнікоў.

У ходзе работы ўдзельнікі пасяджэння абмеркавалі прапановы, што паступілі па законапраекце, у частцы карэкціровак законаў Рэспублікі Беларусь «Аб раслінным свеце» і «Аб жывёльным свеце».

У прыватнасці, былі разгледжаны пытанні выдалення і перасадкі аб’ектаў расліннага свету на тэрыторыі Кітайска-Беларускага індустрыяльнага парка «Вялікі камень».

Таксама члены рабочай групы абмеркавалі прапанаваныя абмежаванні па ўтрыманні, развядзенні некаторых відаў дзікіх жывёл і дзейнасці, звязанай з іх выкарыстаннем (у прыватнасці, перасоўных і кантактных заапаркаў).

Па пытаннях, што абмяркоўваліся выпрацаваны канкрэтныя прапановы, якія будуць вынесены на разгляд Пастаяннай камісіі.

Работа над законапраектам будзе прадоўжана.