30 мая 2022 года пад старшынствам Л.Э.Макарынай-Кібак адбылося пашыранае пасяджэнне Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы на якім быў разгледжаны праект Закона Рэспублікі Беларусь «Аб змяненні законаў па пытаннях донарства крыві і яе кампанентаў» (першае чытанне).

У пасяджэнні прынялі ўдзел дэпутаты Палаты прадстаўнікоў, першы намеснік Міністра аховы здароўя Рэспублікі Беларусь Краткова А.М., дырэктар дзяржаўнай установы «Рэспубліканскі навукова-практычны цэнтр трансфузіялогіі і медыцынскіх біятэхналогій» Карпенка Ф.М., спецыялісты Міністэрства аховы здароўя, а таксама работнікі сакратарыятаў Савета Рэспублікі і Палаты прадстаўнікоў Нацыянальнага сходу Рэспублікі Беларусь.

Адкрываючы пасяджэнне Л.Э.Макарына-Кібак падкрэсліла, што прадстаўлены на разгляд законапраект з’яўляецца вынікам працы шматлікага калектыву міжведамаснай рабочай групы. Старшыня Пастаяннай камісіі ахарактарызавала неабходнасць, якая абумовіла падрыхтоўку законапраекта, і сферу яго дзеяння.

Прадстаўляючы законапраект, Ф.М.Карпенка праінфармаваў прысутных аб стане сістэмы донарства крыві, яе кампанентаў у Рэспубліцы Беларусь і перспектывах яе развіцця. Дакладчык расказаў аб асноўных навацыях праекта Закона, зрабіўшы акцэнт на прагназуемых выніках іх прымянення.

Значнасць рэгулявання грамадскіх адносін у галіне донарства крыві і яе кампанентаў на заканадаўчым узроўні адзначыла ў сваім выступленні А.М.Краткова.

На заканчэнне пасяджэння прысутныя задалі шэраг удакладняючых пытанняў.

Работа па падрыхтоўцы законапраекта будзе працягнута.