Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
31 сакавіка 2021 года пад старшынствам У.П.Андрэйчанкі адбылося пасяджэнне Савета Палаты прадстаўнікоў.
Савет Палаты прадстаўнікоў разгледзеў праект парадку дня пятай сесіі і прыняў рашэнне ўнесці яго на зацвярджэнне Палаты прадстаўнікоў Нацыянальнага сходу Рэспублікі Беларусь сёмага склікання.
У цэлым пытанні
парадку дня адлюстроўваюць асноўныя прыярытэты, пазначаныя ў выніковых
дакументах VI Усебеларускага народнага сходу, — умацаванне суверэнітэту і
нацыянальнай бяспекі, павышэнне ўстойлівасці эканомікі, забеспячэнне сацыяльнай
стабільнасці і развіццё чалавечага капіталу.
Прынята рашэнне ў адпаведнасці з артыкулам 95 Канстытуцыі Рэспублікі Беларусь адкрыць пятую сесію Палаты прадстаўнікоў Нацыянальнага сходу Рэспублікі Беларусь сёмага склiкання 2 красавіка 2021 года.
Яшчэ адно
рашэнне Савета Палаты прадстаўнікоў тычыцца правядзення ў красавіку 2021 года
парламенцкіх слуханняў на тэму «Тэрытарыяльная цэласнасць і народнае адзінства
Беларусі. Гісторыка-прававыя аспекты ўз’яднання заходнебеларускіх земляў у
складзе БССР».
Члены Савета пагадзіліся з прапановай аб правядзенні выязнога пасяджэння Пастаяннай камісіі Палаты прадстаўнікоў па бюджэце і фінансах 8 красавіка 2021 года ў Смалявіцкім раёне Мінскай вобласці на тэму «Узмацненне ролі мясцовых бюджэтаў у сацыяльна-эканамічным развіцці рэгіёнаў».
Было вырашана
таксама камандзіраваць з 18 па 21 красавіка 2021 года дэпутатаў Палаты
прадстаўнікоў у г. Маскву для ўдзелу ў пасяджэнні Камісіі Парламенцкага Сходу
Саюза Беларусі і Расіі па сацыяльнай і маладзёжнай палітыцы, культуры і
гуманітарных пытаннях.
Акрамя таго, члены Савета пагадзіліся з прапановай Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы аб удзеле 6 красавіка 2021 года дэпутатаў і работнікаў Сакратарыята Палаты прадстаўнікоў у рэспубліканскай добраахвотнай акцыі «Тыдзень лесу».