4 лістапада 2020 года адбылося пашыранае пасяджэнне Пастаяннай камісіі па аграрнай палітыцы па некаторых палажэннях праекта Закона Рэспублікі Беларусь «Аб змяненні Закона Рэспублікі Беларусь «Аб ідэнтыфікацыі, рэгістрацыі, прасочваемасці сельскагаспадарчых жывёл (статкаў), ідэнтыфікацыі і прасочваемасці прадуктаў жывёльнага паходжання».

У пасяджэнні прынялі ўдзел дэпутаты Палаты прадстаўнікоў, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні Русы Міхаіл Іванавіч, намеснік Міністра сельскай гаспадаркі і харчавання Рэспублікі Беларусь Брыло Ігар Вячаслававіч, начальнік галоўнага ўпраўлення інтэнсіфікацыі жывёлагадоўлі Міністэрства сельскай гаспадаркі і харчавання Рэспублікі Беларусь Соніч Наталля Аляксандраўна, намеснік дырэктара ДУ «Цэнтр інфармацыйных сістэм у жывёлагадоўлі» Прудкоўскі Вадзім Алегавіч, а таксама работнікі сакратарыятаў Савета Рэспублікі і Палаты прадстаўнікоў Нацыянальнага сходу Рэспублікі Беларусь.

Старшыня Пастаяннай камісіі Палаты прадстаўнікоў па аграрнай палітыцы Шаўчук М.М. праінфармаваў прысутных аб ходзе работы над законапраектам. Паводле яго асобных палажэнняў выступіў старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Русы М.І.

Быў разгледжаны механізм рэалізацыі рэгістрацыйных і іншых дзеянняў высочвання ўсяго ланцужка ад нараджэння жывёлы да атрымання гатовай прадукцыі. Абмеркаваны магчымыя шляхі рэалізацыі змяненняў заканадаўства гэтай сферы, якія ўносяцца. Удзельнікі пасяджэння прыйшлі да меркавання, што гэта будзе спрыяць павышэнню бяспекі пры перамяшчэнні жывёл і прадуктаў жывёльнага паходжання як па тэрыторыі нашай краіны, так і паміж дзяржавамі — членамі ЕАЭС і павышэнню экспартнага патэнцыялу суб’ектаў гаспадарання нашай краіны.

Акрамя таго, былі разгледжаны некаторыя законапраекты, якія паступілі з пастаянных камісій Палаты прадстаўнікоў, і абмеркаваны іншыя пытанні.